كنت فى حلم جميل,,حيث أنى دائمآ وأبدآ أحترم موعد الساعة الرابعة لأنام أو كما يقولون فى ألأرياف..أمطط جسمى..وبعضهم يرى أن كلمة أمطط كلمة بلدى فيقول أفرد جسمى..وحيث أن كلناهما تؤدى الغرض فأنا بعض أيام تجدنى أقول أمطط..وفى أيام أخرى أعمل واد ألا فرانك وأقول أنا داخل أفرد جسمى ومش عاوز حد يصحينى..ساعة الظهر ونوم الظهر فى رأيى متعة لاتعوض..ومن ثم فأنا كنت اليوم فى سبات عميق وإذا بقدرى ونصيبى السيد كمبورة إبن خالتى المتخلف إجتماعيآ يوقظنى بشدة ..ومن موود النوم لموود نصف يقظة ‘لى موود الفزع والهلع مما أصابنى من صوت البلدوزر الذى أيقظنى...؟؟؟؟

إيه ..فيه إيه؟؟ألأخوان حرقوا الحى اللى احنا ساكنين فيه؟؟..ولا داعش نفذت تهديدها ودخلت مصر؟؟

أسخم يادكتور..يجيب المدعو كمبورة ليزيد ألأمر وضوحآ

قول وخلصمى..النهاردة مش فايت بايت عليه كدة

لأ يادكتور أنا عرفت بذكائى(يظن أن له ذكاء كذكاء البنى آدمين)سر التخلف الذى يغرق فيه الغرب الكافر..ولم أمهله أن يكمل الحدوته المحروقة التى تخيل أنها اكتشاف مبهر من الممكن أن يسجله لدى وزارة البحث العلمى ويصبح كمبورة من المكتشفين الجدد؟؟شفتوا الخيبو ؟؟ماهو آخر زمن

قول يافالح إكتشفت ليه العرب الكافر تعبان وزهقان وحاله عدم على رأى المرحوم خالد الذكر محمد عبد الوهاب حين اشتكى وقال:

مسكين وحالى عدم   من كتر هجرانك

ياللى تركت الوطن وألأهل علشانك!!

ولم يفوتها الشاعر الكبير أو أمير الشعراء بل لخقه وقال له:

إزاى يامحمد تقول انك هتترك الوطن علشان واحد بتحبه؟؟انت متصور إن الداخلية هتسيبك بعد العملة المنيلة اللى عاوز تعملها دى؟؟؟

وقلت فى نفسى طيب ماأسيبه يطفش ويريحنى منه ومن بلاويه.

ولكن أنت تعلم وأنا متأكد من ذلك أنى أمتلك قلبآ كقلب العصفور حنين جدآ..لم يهون على كمبورة فقلت له:

قول ياكمبورة الظاهر انك فعلآ وقعت على صيد ثمين..؟

يقول كمبورة..يادكتور النهاردة أبا الشيخ البرهامى القطب ألأعظم لحزب النور أعلن فتوى قال فيها إن الفرجة على المدعوءة الكورة حرام..لأنها تشغل الناس عن عبادة الرب وتذهب العقل؟؟

قلت مابدهاش فاعتدلت بعد أن كنت جالسآ نصف جلسة ولم أدرى بنفسى حين انفجرت فيه قائلآ/

هوه الراجل ده مش لاقى شغلانه يشتغلها؟؟طيب أنا راجل فاضى وقاعد من غير شغل بحكم ان عندى فوق السبعين سنة..وأنا لو من الحكومة تطخنى بظرف لايكلفها أكثر من خمسة تعريفة..يعنى 25مليم..ولا تسألنى يعنى إيه مليم لأن ما من أحد يظهر جهله بالمليم حتى أترحم على المليم وأيام المليم واللى كانت صورته على المليم!!

ألأخ السلفى القرفى الياسر البرهامى..كدة إنت زودتها جدآ...ولو اخواجة بلاتر سمعك وانت بتقول الكلام ده هيقول/

آ’آآآه دلوقت عرفت ليه يامصر مامن أحد صوت لكى علشان المونديال الحزين الذى كسبتى فيه صفـــــــــــر..وسلام مربع للصفر ياجدع.

ياعالم..ياهوه..حد يحدفنى بطاقية تلج..مخى بيغلى من الراجل ده..ده المثل بيقول ياعم السيخ السلفى..إذا بليتم فاستتروا..يعنى إستخبوا..إتداروا..يعنى إخفى ياعم الشيخ..ووحياة أبوك الذى لاأعرفه ولو كان الحظ أسعدنى بمعرفته لكنت قلت له بعد سماعى الفتوى الجاهلة الجهولة دى:

خلفت ونلت ياعم الحاج..ربنا رزقك بابن يضاهى ذكاؤه ذكاء الحمار..وأعتقد أنه سيكون من أهل الجنان..والحدق يفهم

العالم كله يترقب الكورة ولعب الكورة وأخبار الكورة..ونتائج الكورة..ونحن نغط فى سبات عميق وتقول أن الكرة تذهب العقل؟؟

بعدئذنك يامولانا سأكتب توصية لعلماء الدواء بأن يضيفوا مادة الكورة للمواد المغيبة للعقل مثل الماريجوانا،وألأفيون،والهيروين.....

الله ينكد عليك يابو زبيبة..عكننتنى..ده أولآ والله يعكنن عليك ياكمبورة الكلب..طيرت النوم من عينى..وثالثآ فضحتونا أمام ألأجانب  الكفرة الذين ذهب عقلهم ونسوا إسمهم واستبدلوا عقولهم بالكرة الشيطانية

ربنا يهدك ياكمبورة