وماله يابنى هيه الدبانة مش فيها مضاد حيوى..يبقى بول الجمال شرحه!!!!!!

ويضطجع الحبيب الغالى وقد فكرت أنه سينشد أمان يالاللى..وإذا هوه من إياهم ..المصابون  بمرض ألأسهال..

ويميل على الواد كمبورة ويسألنى بخبث ودهاء..هوه مين إللى عنده إسهال؟؟

هوه عم الشيخ بعافيه حبتين؟؟أشد تلافون للحكيم علشان يكشف عليه؟؟

إنت مابتردش ليه ياعم جورج؟؟إنت ولا مؤاخذة واكل سد الحنك ولا أللى رجليها فى..بقها ولا مؤاخذة..اللهم أخزيك ياشيطان بلاش الواحد يقول المثل على أصوله أحسن عيب..ا

وأسمعه يهمهم وكأنه يكلم النفس الأمارة بالسوء ليقول..والله ماعيب إلا قلة الفلوس فى الجيب!!ا

كان ولابد أن أسكت المصيبة التى رزقنى بها الله..فهو كظلى منين ماأروح تلاقيه فى ديلى..وعامل زى النطاط يفتح التليفزيزن ويقلب خمسين قناة فى لمح البصر وفى ألآخر يقفل التليفزيون فى عصبية ويقول:ا

يارب ترحمنا ..الواحد زمان كان فيه قناتين الخامسة والسابعة وكنا بنشوف فيهم الهنا كله..أبلة كاميليا..وأبلة نجوى ابراهيم..وماما زينب الحكيم التى كانت مقررة علينا لتقرأ ألأخبار نص الليل..إلا أنه كان لها فائدة كبيرة..حيث كنا نخوف بها ألأطفال

واللى مش هينام هجيبله العفريته..فيناموا على طول

عقبالك ياكمبورة يابن خالتى يامن كتب على الهوان والذل بسببك

وصحوت من غفوتى المؤقته على صوت ابن اللئيمة(أللى هيه خالتى)ليقول لى:

يعنى ماقلتلايش ياجورج بيه..يادكتور..هوه مين اللى عنده إسهال؟؟

أضطر أقول له أن ألأسهال نوعان:ألأول يغزو المصارين..فيجعلك تقطع أبونيه فى الكانيف..أما الثانى فهو إسهال فموى على عكس ألأول وطبعآ  ياكمبورة يابن خالتى عارف الطريق الملكى لأسهال المصارين؟؟

ألأسهال الفموى مكانه فم ألأنسان..يطلق لسانه ليفتى فيما لايعرف أو يدعى أنه يعرف بالعند فى شخصى وفى شخص كل من لديه علم ويستطيع أن يقوم بالمهمة خير قيام..ولكن حب الشهرة وإدعاء العلم جعل مشايخنا ألأجلاء يفتون عمال على بطال..فى الذبابة التى تقع فى سلطانية الشوربة..وكيف تستفيد من تلك الذبابة لتحيل سمها لدواء باذن الله؟؟

أما ما هو أمامى..فشيخ معمم الرأس ومعصوب العينين فى قناة قطر يقول لافض فوه..أن من آيات ألأعجاز العلمى للكتاب الكريم أن بول ألأبل والتى كرمها الله بذكرها(والخيل والجمال لتركبوها وزينة) أن أبوالها لهى كنز من كنوز الدنيا..تشفى مرض السكر،والحمى،وبها مضاد حيوى،الخ

يا عم الشيخ المحترم والمبجل  بدرجة جيد جدآ..عن منظمة الصحة العالمية ومعاهد علميه..أن بول النوق لهو المصدر ألأساسى فى انتشار مرض كورونا..الذى يصيب الجمال ومنها قد انتقل(بقوة ألأعجاز)للأنسان؟؟فمسألة أن نبى ألأسلام قد أوصى شعبه بشرب بول النوق فيمكن والله أعلم لم يأته من الله علم أو لم يخبره جبريل بأن بول الأبل به فيروس..أو على ألأقل مثله مثل لحم الخنزير فاجتنبوه؟؟

فى قناة الناس..رأيت بعينى أحدهم يبكى ويقول ماتصدقوش إللى يقول أن السعودية ستصاب بمرض أنفلونزا الخنازير..دى أرض النبى ..دى أرض مبروكة..مش ممكن..ده ربنا حاميها....الخ

وتفر الدمعة من عينه وهو يؤثم من تسول له نفسه أن يفتئت على الله كذبآ؟؟؟

معلهش إعتقونا لوجه الله شوية من حكاية ألأعجاز وشغل العواجيز..وأمين المجلس ألأعلى للأعجاز اللى مش علمى..ونحط الدبانة على بول الجمال..ونبعث بهما لموسوعة جينيس الهبولية حتى تسجل أمجادنا بحروف من تبن