أبويا،وأبوك،وأبو اللى خلفوك...ياترى مين؟؟؟

بينى وبينك بقالى يومين تقول زهقان..ممكن..تقول غرقان..والله ممكن المهم أنى مو فى الموود،ودى من أقسى المواقف التى قد يتعرض لها البنى آدم فى حياته،مثل الطبيب الذى يقف أمام مريضه عاجزآ عن أن يقدم إليه مايفيده..فيكون فى حالة من عدم ألإنسجام أو سمها التوهان لأن ألأدوات التى يلعب بها قد طارت من عقله،وبالتالى فأيضآ كل ألأدوات التى يلعب بها فى جيبه فستلقى نفس المصير؟؟

ألأمس كان يومآ أسود على مصر،وعلى خلف مصر أقصد أبنائها الحقيقيين وليسوا ألغير شرعيين الذينلايعترفوا بأنهم ذوى أصل قبطى ولكن يقسمون بنعال أحذيتهم أنهم رعايا للوهم أو السراب أو إمتدادآ لما انتهى وقبر وكتب فى شهادة وفاته..الرجل المريض!!ا

هناك مخلوقات تعيش فى الوهم وهناك أناس يعيشون فى الهم..ولاأكتمك سرآ أنى أنتمى للفصيل الثانى حيث شربت الهم واستمرأته فكأنى قد أصابنى مايعرف فى الطب بفقدان ألإستجابة من كثرة الجرعات التى يتناولها ألأنسان يومآ بعد يوم؟؟

قررت أن أعتزل العالم الذى يقسم البشر إلى قتلانا وقتلاهم،أو الكفرة وساكنى الجنة ولا يخفى عليك أن الفريق ألأول هو من قاطنى النار..وبينى وبينك أنا مقتنع تمامآ أن الجنة والنار ماهى إلا عملية ترغيب وترهيب حتى يكثر زبائن من يدعى أنه نبى قد تلقى ألأمر بأن يدعو الناس إلى كذا وكذا..رغمآ عن أنه هو بعينه قد يكسر تلك اللوائح الجامدة ويستثنى نفسه منها !!ا

اخترت أن أذهب بعيدآ جدآ إلى منطقة ألأمام الشافعى حيث الهدوء التام وأنا أحب الهدوء وأعشق السكون،هذا من ناحية ومن ناحية أخرى فأنا متأكد تمامآ أنه لايوجد مجنون على وجه ألأرض يضع لغمآ عند ألأموات ليفجر مقبرة أو ينسف حوشآ...فليست المقابر مدينة نصر،أو شارع مصطفى النحاس،أو بها مديرية أمن أقيمت لرعاية شئون أمن الموتى وساكنى القبور..فجأة وأنا أمشى هادئآ مطمئنآ إذ بى أرى وجه غير مألوف..ليس رجل أو امرأة..هذا من على بعد..فضولى وبالرغم من أن ركبى قد بدأت فى ألأرتعاش إلا أن هذا الفضول دفعنى أن أقترب أكثر فأكثر لأتعرف على هذا الشئ

ياربى هل هو أحد الموتى قد خرج ليشم الهواء؟؟

هل هو راجل حشاش آثر أن يبتعد عن عيون الحكومة فجاء ليشرب نفسين فى الهواء الطلق بعيدآ عن أعين المخبرين؟؟

على إيه يارب يطلع حشاش ويطلع ابن بلد ويعزمنى على كرسيين دخان متعمسين بحتة حشيش،أهى فرصة أجرب الحشيش ولو أنى مادقتوش طول عمرى..ياريت تصدقنى وماتقول أنى راجل خرع وماليش فى الجدعنة وشرب المزاج!!ا

بكل خوف بادرته بالسلام وقلتلة مس..... لم أكملها لتخرج منى مساء الخير ووجدته يلاحقنى بالسؤال:

إنت إيه إللى جابك هنا نص الليل؟؟

تشجعت ووجدته بنى آدم يتكلم العربية..يعنى مو خواجة..ومو عفريت..فقلت له بكل ثقة وبرضه وأنا أرتعش من داخلى:ا

وحضرتك إيه اللى جابك هنا انت كمان؟؟

يصمت برهة ليقول لى..

يابن العبيطة أنا ألأرض دى كلها ملكى..أعرفها شبر شبر..مشيت فيها وأكلت من شجرها..ومضغت حشيشها وقاتها..وكان معايا أصدقائى اللذين انقلب عليهم أولادى فقتلوهم وصادوهم ومثلوا بهم 

يعنى لغاية الوقت أنا مش فاهم من حضرتك حاجة؟؟

قوللى إنت مين إللى ألأرض دى كلها بتاعته؟؟

أنا مرارتى مفقوعة منكم ومش عاوز أتكلم كتير ولو أنى متأكد أنك مختلف عنهم إلى حد كبير

زادنى على الغموض غموض..أى كما نقول..وفسر الماء بعد الجهد بالماء

أسمع صوته المتهدج يقول..أنا يابنى أبوك وأبو أبوك وأبو اللى خلفوك ..أنا آدم أبو البشر ..آدم إللى شاف منكم الذل والبهدله..آدم إللى وضعتوا دماغه فى الطين..وقلتوا عليه كلام ولا ينفع ولا يشفع..ياكذابين،ياصلاليه...؟؟

على مهلك شوية ياسى آدم..وكان فى نيتى أن أقول له حضرتك..أو سيادتك..أو حتى عظمتك..لكن الطريحة التى فاجأنى بها لم تجعلنى فى موقف الخيار لأقول أدبآ أو أنطق حسنآ

هوه إنت أبونا آدم؟؟ياأهلآ وسهلآ

لم يمهلنى حتى أكمل العديد من قاموس الترحيب فقاطعنى ليقول

أيوه أنا آدم الذى كذبتم على أنفسكم وقلتم أنى من طين..ومن فخار..ومن عجين ياناس يادون ياظالمين؟؟

لابد أن أرد عليه..أقول:ا

أيوة جاء فى الكتاب أنك قد كنت فى غابة بها أشجار كثيفة وبها من الفاكهة مالا يعد ولا يحصى..ثم من ضلوعك....

لم يمهلنى حتى أكمل بل أكمل هو وقال:ا

من ضلوعى جاءت زوجتى المسماه بحواء..

يابنى أنتم تعيشون فى الوهم واللى ضحك عليكم وقال لكم هذا الكلام كان بيشخر ونايم بياكل رز ولبن ...

أمال الحكاية إيه ياعم آدم؟؟أقول لسيادته

يرد على وقد أحسست أنه مولع من جواه..فالظاهر أنه مثلى لا يحب أحد أن يتقول عليه أو يكذب  أمامه أو حتى من وراءه...ا

لماذا تشككون فى الواد تشارلز مع العلم أن كلامه منطقى وسليم؟؟

ياعم آدم كل ألأديان بتقول باطل..يعنى سيادتك ولدت حوا

يقول وقد بدأ صبره فعلآ ينفذ من الواد الهفيه اللى أمامه:ا

ياعبيط يابن العبيط(مقبولة منك ماانت أبويا وأبونا كلنا) المنطق وطبيعة ألأشياء بتقول إيه؟؟هل رأيت ذكر يلد؟؟يا من تحجرت عقولكم..يامن أصبحتم تفكرون بأقدامكم..ذكر يلد أنثى..أما عجيبة...المهم أنكم أكلتم البالوظة ومشيت الكدبة وواحد قالها لواحد لغاية ماابنى نور عينى تشارلز..قال إن فيه تطور وم الماء تطور الخلق حتى وصل لأن يكون حمار زيك كده ....؟

برضه مقبولة منك ياعم آدم..

ومن تتابع اللكمات والخبطات رحت فى سبات عميق وغدآ سأكمل لك مادار بينى وبين أبو البشر آدم

ومتنساش لو شفت الواد كمبورة قول له أبوك الكبير ..الكبير جدآ بيسلم عليك 

ياترى هوه مين؟؟؟

كل ما أرى الطلعة البهية،والسحنة الزرية،حتى أعلم أنه منهم...حتى لو كنت أراه لأول مرة

الشكل يتحد فى خصائص بذاتها...اللحية القذرة،التى تتدلى دونما معرفة أو تعود لشئ إسمة النظافة أو التهذيب

الجبين دائمآ معقود..وبعض ساعات يقسم ليذيل القسم ويقول بعقد الهاء؟؟ويبدو أن العقد والتعقيد سمة أو خصيصة لهم

إذا تحدثت إليه فبدون مناسبة يعلو صوته رغمآ عن أن صوتك خجول لايرتفع إلا بقد مايسمح له بالسمع

آذانه تبدو بها ضعف،لأن ألأطرش هو الذى يجرى الحوار ويستخدم الصوت العالى بمناسبة أو بدون

ينتحل أحد المذاهب وهى اليوجينية وهى التى تعلى من قدره وتحط من قدر ألآخر...يدعى أنه أفعل تفضيل..تلازمه فى غدوه ورواحه..يدعى أنه من نسل ابن ألأكرمين....فجده فلان بن فلان حتى يصل بنسبه إلى من يعرف بآدم أبو البشر؟؟؟

بعض المضحكات المبكيات

خذ على سبيل المثال أن الله قد خلق الأرض يوم الجمعة؟؟

ألله قد تكلم مع الملائكة..باللغة العربية..رغمآ أن ألآرامية والعبرية يشهدان أنهما أقدم من لغة البادية

يفتخر بأنه من نسل خير أمة أخرجت للناس؟؟سؤال من فضل اللى خلفوك وجابوك وحشروك غلط فى هذه النيا:ا

بأمارة إيه كنت من خير أمة؟؟هل كنت كمثل الأغريق الذين قضوا جل أعمارهم فى الفكر والتفكير أو الصينيين الذين أبتدعوا أول آله حاسبة فى التاريخ،وأول آلة طباعة رغم أنها كانت بكيفية ما لاترقى لآلة جوتنبرغ

تدعى أن قائدك ومعلمك وهاديك و..و...و....وهو سيد أفندى البشر؟؟هههه هل تم هذا التقدير حسب اجتماع الشعوب التى تمشى على ألأرض وبرضاها فقد أصدرت ألإعلان العالمى بأمن فلانآ ابن .......هو رئيس الخلق وأشرفهم؟؟؟

يارجل فوق..وإن لم تكن على مقدرة بأن تفوق بالدواء أو لاتملك القدرة على تلميع مخك فهناك مايعرف بمسحوق النشادر الذى ينبة خلايا مخ عظمتك..يامن تنام الليل..هذا عادى ولكن لتنتظر النهار فتصل ليلك بنهارك..والسبب أنك لاتجهد عقلك لتفكر فى شئ تعمله،أو عمل تقوم به؟؟

يامن قال أحد روادك أن الله قد خلق الكفرة..لينتجوا ..ونحن لأننا أفضل منهم فلقد خلقنا الله كى ننتظر ماينتجون لنستهلكه بلا مشقة أو عنوة؟؟خسئت يامن تقولت بهذا واعتبرته حكمة من إحدى ألأمثال والحكم التى كان البلهاء والبسطاء يتمسحون بها بل ويطلبون منها المزيد ويجلسون أمامك كالصناديق التائهة ..ولا يعرف ماالسبب فى أن يجلس هكذا؟؟

العيب أننا نتصرف بروح القطيع..كالحملان التى تسير وراء قصابها ولا تدرى إلى أين المصير؟؟

ياترى عرفته هو من؟؟

ولأنى حمار كبير بآذان طويلة وشئ آخر طويل أستحى أن أبرزه للعامة ولكن أقصره للخاصة..فأنا لاأعرفه..فلقد عصى ألأمر على وضاقت بى الدنيا ولم يعد أمامى سوى أن أضع حدآ للحياة بيدى لابيد مرســـــــــــــــــــــــــــــــــــــى

مساء الهنا والسعادة ولو كان معاك سيكارة بلمونت أو هوليوود أرميلى واحدة

طبعآ لاشفت الهوليوود،وفى قول آخر هوليووت،ولا البلمونت فهى من آثار الزمن الجميل...ياجميتتتتل..وماتنساش تسلملى على كمبورة وقوله يابن....هات الفلوس اللى عليك لجورج

 

القتل .......طبع أصيل؟؟صح ولا غلط؟؟؟

سامحونى للمرة التانية..طلعت عيل ورجعت أكتب تانى..أكتب وأنا قلبى بيوجعنى..أقسم لم بكل عزيز ونفيس..أقسم لك بكل الشهداء والقديسين أن هناك شئ ما خافى عن العقول..ياناس راجعوا نفسكم ...هل الدين ألإسلامى يأمر بالقتل؟؟وهل نبى ألإسلام كان يذبح الناس بسكين بارد؟؟ فى "غزواته" التى كان يطمح بها أن ينتشر الدين الذى أخذ على عاتقه أن ينشرة ؟؟

الأخوان الغير مسلمين ،أو إخوان الشياطين إجتمعوا على كلمة سواء مثلما كانوا يقولون لخرفانهم..أعضاء حزب السمع والطاعة..أن الحتمية لابد وأن تتدخل ..يجب أن ينتشر ألإسلام ..سمعآ وطاعة إنشر ألإسلام..أو حتى تنشر غسيلك..مافى مشكلة..لكن لاتنشره بالعربات المخخة..لاتنشرة بالديناميت..لاتنشره بقتل ألأبرياء؟؟؟

هل هذا هو ألإسلام؟؟لاتدفنوا رؤسكم فى الرمل..آسف فى الطين وتصفحوا التاريخ ..واقرؤا ماكتب عن السيرة المحمدية..فى سيرة ابن اسحاق..إن وجدت،أو سيرة ابن هشام وهما ألأثرين اللذين مازالا محتفظ بهما كى يعرف المسلمون سيرة نبيهم؟؟

هل حقيقة أن محمدآ قد أشار أو أعطى الضوء ألأخضر لمن تطوعوا أن يكونوا جنوده يسمعون كلامه،ويأتمرون بأوامره؟؟

هل قتل كعب بن ألأشرف بعلم محمد؟؟يقال ذلك وأنا لم أكن موجودآ أو أتنفس كما أتنفس الهواء ألآن مختلطآ برائحة الديناميت...!ا

إذا كان ألإسلام له سابقة أو عديد من السوابق فى قتل الناس ظلمآ..فليس جناح على طغمة ألأخوان فهم ينتهجون خطى نبيهم..ويقتلون من يختلف معهم مثل ماقيل والعهدة على الراوى أن دم كعب بن ألأشرف فى رقبة المسلمين من أجل عزة ألإسلام وإعلاء كلمة الدين،وأن عصماء بنت مروان قد قتلت وهى ترضع صغيرها وكانت كفيفة ولكنها كانت تقرض الشعر،وتهجو محمد..فقد اختلفا ولم يتفقا،فهل هذا هو المنهج ألإسلامى فى التخلص ممن لا يوافق على الرأى الذى ينادى به ألآخر؟؟

إذآ دعنى أقولها لك وبكل صراحة لا تظلم ألأخوان..نعم ألأخوان الذين فجروا مبنى مديرية أمن الدقهلية هم يدافعون عن دينهم..والناس على دين ملوكهم.ا

هذه أوهام جالت بخاطرى وأرجوك لاتغضب منى وتقول الراجل ده متعصب،أو راضع بول إبل وبيبعرر زى الجمل أو بينفخ زى التور..أو ماشى على دماغه وهوه بيكتب الكلام الفارغ اللى بيكتبه ده؟؟

ياعم روح...إتبرع بربع لتر دم..ده لو كان......ا

سامحنى/ سامحينى محتجب لإجراء عمرة فى العفشة،والفرش،وتظبيط الموتور....الكلام ده حتى 16من كانون تانى 2014

كل سنة واحنا بخير وفى خير ومنتظرين الخير

جــــــــــورج

كل الناس عاوزاه مش عارف يعمل إيه لكنه تقلان والتقل صنعة...حزر فزر

زمان يعنى قول من أربعين سنة،وعلشان خاطر الراجل العجوز ده زود شوية،خليهم خمسين وسأكون مكارمك فى كام سنة كمان..شفت أنا كريم إزاى!!ا

كنا لسة مفاعيص فى جامعة الهنا..أمنا جامعة القاهرة..جامعة العز والبغددة..يعنى بالعربى لما تقول إن سيادتك متخرج من جامعة القاهرة..يعنى لو وزناك تلاقيك كدة وزنك قايم من غير الفروة أو الديل...إيه أنا لا سمح الله قلت حاجة غلط؟؟لامؤاخذه مفيش ناس عايشة بينا بديول؟؟لأ فيه لا تكابر أو تناطحنى بل تناصحنى أفضل فان أستطعت إقناعى أنه لايوجد فأنت رجل قليل الوجود لأنك استخدمت عقلك وقلت لى بالحق وطرحت الرأى ألآخر فأخذت به،لأنى أفكر بعقلى وليس بحذائى وياريت كل المصريين يفكروا بعقولهم..ياريت

نرجع لجامعة القاهرة..ولما يتوزن واحد خريج جامعة كفر شحاتة’،أو جامعة شلشمون مثلآ تلاقيه يوزن يادوب وأكون مكارمه كمان حوالى ربع كيلو؟؟

صدقنى أنا لاأبالغ إذا قلت لسيادتك أن خريج جامعة القاهرة -زمان- يوزن عشرين كيلو،أما صاحبنا الذى لايوجد بداخله شئ يزنه إلا ربع كيلو فأنا من كل قلبى أشفق عليه ..صدقنى أشفق عليه وأكاد أبكى على حالك يامصر ياللى الكفور والنجوع تحولت فيها مبانى المدارس الثانوية إلى "جامعات"؟؟؟؟

ماعلينا وعلى رأى الراجل إللى صدقنى مو فاكر إسمه إللى قال خلى زكيبة الهم متغطية،وأصبح قولآ مأثورآ لك أن تستخدمه ببلاش فى حياتك اليومية،أو فى تعاملاتك ألإجتماعية وكله ماشى على رأى المرحوم فؤاد المهندس فى 5 باب.ا

طيب وبعدين؟؟يعنى من خمسين سنة وأكتر ماكان شئ نقول عليه ياساتر ده كان شربة ملح إنجليزى،أو تقول داهية مايرجع؟؟

أقولك فيه لأن 100%كمال لايوجد إلا للرب فقط أما البشر فلا ولو جاب 65%يعنى تقدير جيد يبقى بطل فى ألأيام السودة دى!!ا

كان فيه أستاذ فى أول محاضرة قال  ألله يرحمه:

إسمعوا مافيش مذكرات أطبعها لكوا وكل واحد يدور على ميته تسخن..أنا مو بتاع مذكرات أو ملخصات..الكلام ده كان فى ثانوى؟؟

على عكس ألأساتذة الذين كانوا يشتركوا مع سيادة ألأستاذ المذكور من كان له كتاب يقول أو يكتب المراجع ألأجنبية،ثم فى آخر القائمة يكتب كتابه ووالله يكتبه على إستحياء؟؟!!ا

فات شهر ،قول اتنين ولا شئ فى يدنا نرجع إليه؟؟ياسنة موش فايته ياولاد..طيب هنعمل إيه؟؟

نسوق الرخامة نعمل زى الشحاتين ونقول لسيادته..يادكتور مو لاقيين حاجة نذاكر فيها يارب يخليلك الست..على رأى الشحاتين لما يكون واد فرفور شابك إيده وماشى خارج من الجامعة مع البت بتاعته إللى وعدها بالجواز من أو نظرة؟؟إبقى قابلنى أو إبقى قابلينى أهوه كلام إبن عم حديت..وحديقة ألأورمان بها متسع للجميع وعلى أيامنا ما كان فيه موبيل ولا عفريت أزرق كان فيه حاجة إسمها جوابات تدسها فى كشكول المحاضرات لها..وأنت ترتعش لكى لاأحد يراك وتبقى فضيحة بين الطلبة

آه كنا إقفال ماركة ييل..والله معاك حق

نرجع لأستاذنا الهمام فقد افتر ثغره عن إبتسامة كانت لنا بمثابة إشارة أنه يمكن يفكر..ثم يفكر ..ثم أصبح يفكر حتى تقريبآ قرب نهاية الترم وبعد إلحاح شديد قال قولآ إعتبرناه قبلة الحياة فقد وافق سيادته ويبدو أنه قد استخار الله ولوانه كان ملحد وابن كلب..المهم يامبارك قال لافض فوه..أنا مذكرتى فيها علم..ومتكلفة وعشان خاطركم هابيعها بجنيه للمذكرة؟؟

يانهار اسود؟؟جنيه طيب يمكن البعض يقدر يدفع الجنيه،ودول أولاد الذوات الذى يكون بجيبه مثلآ جنيه ونصف وده لأنه إبن راجل غنى ومن ساكنى مصر الجديدة وليس فى شارع هامفرس مثلآ أو عزبة على شريط السكة الحديد بتاع الجيزة..

بطريق أو بآخر جمعت الجنيهات وجاء اليوم الموعود لاستلام المرجع اللوذعى الذى وعدنا به ألأستاذ؟؟

ياريتنا مادفعنا وياريتنا مادفعنا ماء وجوهنا ثمنآ للذل ليوافق سيادته على طبع مذكرة

تمخض الجبل فولد فأرآ...المذكرة يامحترم 10ورقات منهم ورقة مكرره ومطبوعة على الرونيو-طبعآ لاتعرف الرونيو ولا ألآله الكاتبه-دى أشياء من مخلفات العواجيز وماتشغلش بالك خليك فى الموبيل أبو دقه على خده الشمال،أو اللى بيفوح بارفان أو بيتكلم لوحده.ا

تصور ابن اللذين..وبعد الذل ده كله نطلع ب9ورقات مكتوبين ببنط 15؟؟

الله يخرب بيتك ولا يبشبش الطوبة اللى تحت دماغ سيادتك..لكننا قرضنا قصيدة شعرية حمدآ وشكرآ لأستاذنا الهمام الذى دلق على دماغنا حلة علم ..أقسملك أنى لم أعرف بيتكلم عن إيه؟؟

أنا مدوخك ويايا لكنى أريد أن أقول حاجة ياريتك تكون فهمتها منى أصل أنا متخلف ومخى على قده ومااعرفش أتكلم إلا بالكناية

إفهمها بأه والا انت غبى =لامؤاخذه- زى الواد كمبورة اللى مدوخنى وياه

يله ياعم فسحة

همه لسه فيهم نفس وعايشين؟؟همه مين؟؟؟

قوللى عملت إيه فى الجو المنيل إللى كان فى ألأسبوع اللى فات؟؟

يسألنى هذا الفسل وكان ينتظر منى مثلآ أنى لم أغادر منزلى العامر،أو أنى قد اتصلت بالسكرتيرة الخصوصية لى لآمرها بالغاء كل مواعيدى بسبب الجو المنيل الذى عاشته مصر أكثر من ثلاثة أيام!!

أجبته بكل برود وتقل دم:وهوه كان فيه جو منيل،وبرد ألأسبوع اللى فات؟؟أنا لم أرى سوى السماء تلقى بحمولها من الماء لدرجة أن بعض الشوارع قد أمتلأت بطنها بالماء ولم تستطع أن تتقبل المزيد ففاضت الماء على قارعة الطريق وأنت تعرف أن بلاعات الشوارع فى حالة انسداد دائم بالرغم من أن الحكومة على علم بأن الشتاء قد حل ولابد أن تكون عملية الصرف فى أوج صحتها وسلامتها.ا

يقول لى أنا قصدى أنك تعاملت مع البرد إزاى؟؟

أجيبه ببرود أكثر فأكثر كأنى بردان،أو سقعان:ياعزيزى لم أحس بالبرد أو كما تطلق عليها السقعة ولم يحدث لى رعشة ولا دياولو..

أراه مشدوهآ وأذناه قد استطالت كآذان حمار،وفتح فاه أو كما يقولون فغر فاه..وكأنى لم أكن على أرض المحروسة،بل كان يظن أنى كنت فى بعثة فى بوركينا فاسو بلدى ألأثير ومشتاى الحبيب؟؟

سأوفر عليك يا من ابتليت به كظلى فى صباحى ومسائى،فى غدوى ورواحى،أمر ربنا ماالعمل؟؟أفعلت خطية فى حياتى أستحق من الرب أن يغضب على ويرزقنى بانسان مثل هذا ألإنسان الذى هرانى أسئلة والحق يقال بعض منها يستحق ألإجابة،البعض ألآخر لاحل له سوى أنك تعمل بالتمثيل ولو لدقائق وتمثل أنك قد أصابك النوم ولاترد عليه!!

لازم أجيبه...أعمل إيه قدرى ونصيبى..أنا ماباحسش بالبرد ياسيد قشطة،أنا معدوم ألإحساس..إيه عمرك ماسمعت عن واحد معدوم ألإحساس؟؟

يرفع حاجبه السمال بمقدار حوالى 2مللى ويبدو عليه أنه قد انتقل من طائفة البنى آدمين إلى مجموعة بنى حمار..ويحاول أن يسأل..فأسارع حتى لاأسمع سؤاله وأكفى أذناى مشقة سمع كلام مالوش لازمة...ا

نعم أنا راجل ماعنديش إحساس،جلدى تخين يعنى سميك يعنى ماباحسش..عندك إعتراض؟؟مافيه ناس كتير لايوجد لديها إحساس ويتقبلهم الناس ويتعاملون معهم بكل راحة وأريحية..ولكن بشرط أن يكون هو ألآخر بعيد عنك معدوم ألإحساس ويفوق محدثه فى البلادة،والبلاطة،ونرفزة الذى يكون أمامه،ولايملك إلا أن يبتسم بعد أن يراك أنك قد أقدمت على ألإنتحار من كلام يخليك مولع من جواك نار؟؟

هذا الصنف من الناس تقابله وإن كنت لم يحصل لسيادتك الشرف وقابلته فاعلم أن هناك فئة من هذا المجتمع البزرميط الذى يتألف منه مجموع الشعب العزيز ليس بداخل عروقه دم،لايملك ألإحساس،ولا يحترم الناس،ويريد أن يراك وقد خلعت هدومك وتسلم مما أصابك منه لتقول له باى باى أراك فى النار يوم القيامة ..لتسألنى عندك فكرة أنا جيت النار إزاى؟؟

أجيبه لحظتها لأقول له:ماهو من عمايلك السودة،وتقل دمك،وضربك فى خلق الله،وإطلاق الرصاص على البشر ألآمنين..وكأنك الطفل الذى يدبدب فى ألأرض ويصرخ ويعلى التون لو ماستجبتش حتى تلبى طلباته ليس إرضاءآ له بل إنهاءآ لوجع الدماغ

بصراحة أنا مدوخك معايا من الصبح وفعلآ الظاهر ماعنديش دم..أقولك بصراحة أصبحوا منبوذين،غير مرغوب بهم،يتلقون الدعوات بالزوال من كل ولاد الحلال الذين يحبون بلدهم،ويتمنون أن تعود كما كانت....أقل ماتوصف أنها حـــــــــــــــــــــلوة

فينك يامصر ياأم الدنيا،ياللى كل مصرى يتمنى يكون فدا لتراب رجليكى..ياأمنا يامصر

لانملك إلا أن ندعو الرب فى صلواتنا..مسيحى ومسلم ومن يتوجه أيضآ يوم السبت لشارع عدلى ليتقابل مع ياهوه ربه ،فالكل مجتمع على كلمة سواء...ربنا يخرب بيت ألأخوان،ومايرحم اللى عمل ألأخوان،واللى بيمول ألأخوان،واللى بيدافع عن ألأخوان

آمــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــن 

وماتنساش تسلم على الواد كمبورة ولو استغبى عليك وقالك جورج مين فكره وقول له عمك جورج أبو جلد تخين اللى مابيحسش ولكن فى يوم حيحس من كتر الضرب إللى ألأوغاد بيضربوهوله وساعتها هايقول تحيا مصر

وكانت هذه هى النتائج العظيمة التى جنتها مصــــــــر من وضع الراجل اللى مش سليم فى المكان اللى مش سليم برضه؟؟؟؟

ولما باشوفك يروح منى الكلام وأنساه....ألله ...ألله عليك ياعم جورج ياللى بتدعبس فى الدفاتر القديمة وبتفكرنا بالذى مضى!!ا

وهوه كمال الين  أبوعلى ده مو ها نخلص منه ؟؟يقول الذى خلق ليعكننى ويطلع السل فى عنيه،مكتوب على جبينى أنى أقابل هذا الفسل الذى يعصرنى كى يعرف ماذا حدث؟؟

حدث أن لما المحروس..مش المحروس ابن عمى إللى قال عليه أحمد بدير فى الست ريا وأختها سكينة،لكن المحروس بتاعنا الوزير الهمام الذى جلس على مقعد وثير لم يكن يحلم به هو ولا أبوه ولا إللى خلفوه،ولكنه القدر والقسمة والنصيب..وربك لما يريد ولا حتى ألأخوان ولا حتى القطط السمان يستطيعوا أن يوقفوا مشيئة الرب!!ا

سمعت وقد كان عندى لايزيد عن 12سنة أن بعض ممن كانوا يجلسون على مقاعد المجلس ألأعلى للجامعات..وعلى فكرة وقتها لم يكن هناك من جامعات سوى أربعة فى عين العدو..القاهرة وأسميها ست الكل..دى أمى عشت فيها 8سنين كانوا سمن وعسل،الوقت بتقول يااااه  الراجل ده رسب فى الكلية 4سنين ؟؟الحكاية مش كدة،الحكاية فيها منة..ولسوف أحكيها لك ولسوف ألقيها على مسامعك..لو تأذن لى مستقبلآ!!ا

وجامعة عين شمس إللى الفلاحين يسمونها عين سمس..واحد يسأله إبنك فى جامعة إيه؟؟يقوله الواد متغرب فى جامعة عين سمس؟؟يادى الفضيحة..على فكرة ومازال المسلسل مستمرآ حتى اليوم فستجد بعض من اخوانا..الذين يشكلون نسبة 45%وهم من لا يعرفون أو يقرؤون يقولون عين سمس،وعلى الجاكت يقولك الزاكته؟؟والله كسفتونا أمام ألأجانب من قاطنى بوركينافاسو وجزر القمر الذين يرطنون باللسان ويقولون الكوستيم،والسوللى وحاجات كدة تخلى البنى آدم فى نص هدومه!!وجامعة ألأسكندرية وجامعة ألأزهر..كفاية كدة

استقالوا إعلانآ منهم على الرفض وعدم القبول لأن يرأس المجلس ألأعلى للجامعات..السيد الصاغ كمال الدين أبونسر..فكانت هذه أولى الفضائح.ا

أما ثانيها ثم ثالثها ثم..صدقنى ماأحب أن انطق الرقم التالى لأنه يذكرنى بالغوغاء وهم لا يقلوا غوغائية عمن نتحدث عنه،فقد ألغى أن يكون الدين بالمدارس مادة رسوب أو نجاح؟؟كذلك جعل ما يعرف بالنقل ألآلى للتلاميذ فى المرحلة ألأبتدائية؟؟وقد ابتدأ التعليم فى حشو التسبيح والتحميد بالثورة المباركة ولا تتصور أن المصريين قد استحدثوا أو إبتدعوا ما يعرف اليوم بالأخونة فى التعليم..فالأخونة هى الثوررة على عهد الراحل العظيم كمال الدين حسين!!

وابتدأ العد التنازلى لتدهور التعليم فمن مناهج دسمة إلى مناهج لاتغنى ولا تسمن من جوع واستشرت الدروس الخصوصية وتغير وتبدل النظام ولاحول ولا قوة؟؟

لم أحظى برؤية الطلعة البهية فى حياتى إلا عندما جاء فى موكب مهيب ليخطب-خطبة الندم- فى حرم الجامعة الذى على ماأظن كانت المرة ألأولى التى يقام بها سرادق كى يعلن فيه بكل صرامة وقوة..أن الرئيس والقائد والزعيم قد كلفه بأن ينقل لطلبة الجامعة أنه قد أصر على أن ترجع سوريا الحبيبة ثانية لحضن مصر فيما كان يعرف بالوحدة بين مصر وسوريا.ا

الشئ الوحيد الذى سألته لنفسى على أى شئ نبكى ونقسم برأس أبوينا أن سوريا لازم وبالأمر تعود؟؟ماهى الفائدة التى اكتسبناها من وراء الوحدة ياصائط سنة خامسة توجيهى؟؟

أكان ذلك من باب الترضية لمجموع الطلبة الذين قمتم بتربيتهم على الخوف وعدم ممارسة النشاط الطلابى كما كان فى عهد ألأنجليز؟؟ولست أقول فى عهد الملك فاروق ألأول ملك مصر والســـــــــــــــــودان؟؟

كانت تلك هى ألآثار الحميدة التى لاأعرف سواها والتى خلفها لنا السيد الصاغ عضو مجلس قيادة الثورة،ورئيس المجلس ألأعلى للجامعات،وراعى الفنون والآداب..ماهى بقت زيطة..وهذا هو البدء بالانهيار العظيم الذى من نتائجه ماتراه اليوم متمثلآ فى الجامعة من تدنى مستواها العلمى بين ألأساتذة..ولحاقها بكل قوة فى مؤخرة الترتيب الهرمى لأحسن مائة جامعة فى العالم؟؟وبطبيعة الحال فان فاقد الشئ لايعطيه،فالناتج أو السلعة التى تقوم على انتاجها الجامعة قد تدنت هى ألأخرى وأصبحت غير مرغوب بها سواء بالداخل ناهيك عن الخارج،فالطبيب الباكستانى قد أخذ مكانة الطبيب المصرى الذى كان يتعلم التشريح على جثث بشرية ،والمدرس الذى استطاع أن يعلم أجيالآ من قاطنى بلاد البترودولار..أصبح مرفوضآ هو ألآخر ممن؟؟من ساكنى البادية الذين سيأتى اليوم الذى سيعودون...فيه كما كنت..يتصيدون الجراد ويملحونة ثم يستملحونه،وبالهنا والشفا؟؟

ماتراه اليوم من تدهور فى العملية التعليمية,,بدليل أن نسبة ألأمية ترتفع سنة بعد سنة..والوزن النسبى للخريج الجامعى ..أنت تعرفه قبل أن أقول لك عليه..

ياراجل ده لما تعمل شات مع واحد،أو واحدة تلاقى الزال مكنوبة ذال؟؟والزين منسوخة ظاء؟؟والسمن تلاقيه على العسل،والعملية هايصة

وانت هايص وانا لايص؟؟أقولك إيه تصبح على خير تلاقيك فاتح الكمبيوتر وانت تحت اللحاف لأن الحرارة يادوب تسيح قطعة الثلج التى أحتفظ بها فى مخى ..وعندها سأكون من غير مخ..والواد كمبورة مستحلفلى ..لأ ياعم أنا مش قده ده إيدة تقيله وكفاية ورملى قفايا مش عاوز يورملى حاجة تانية لأنها وارمة خلقة

باى باى 

ومازلنا نتذكر ألأيادى البيضاء للصاغ كمال الدين حسين عليكى يامصــــــــــــــــر؟؟

وغصب عن حبابى عنيك لازم تعرف أن مايعرف بثورة 1952 قد بدأت من مارس 1954 أو ماقبلها بعسكرة الحكم ،فسفراء مصر وملحقيها فى بلاد ربنا كانوا من العسكر مثل ثروت عكاشة وكمال الدين صلاح ..ولا يفوتنى أن ألآلة الجهنمية لطائفة العسكر قد انكشفت وأحست الدول بنية مصر فى التجسس على أسرارها فقامت بطرد الملحقين العسكريين بالجملة وليس بالقطاعى؟؟وقد كانت عبارة غير مرغوب فى بقائه عملة عادية لدى وزارة الخارجية المصرية من عدة دول أتذكر منها السويد على سبيل المثال!ا

أما العسكرة الداخلية فكانت فى أن يحمل كل عسكرى بدلآ من السلاح حقيبة وزارة،فكان هناك عبد المحسن أبو النور،وكان هناك الصاغ صلاح سالم،ولا تنسى قائد الجناح عبد اللطيف البغدادى،وبالمرة تذكر السيد الوزير الذى وضع خطة الثورة وطرد الملك وهو زكريا محيى الدين وطبعآ الصاغ عبد الحكيم عامر العسكرى العظيم الذى كان غارقآ فى لامؤاخذة -والله مكسوف-الحشيش والنساء وكانت القعدة لاتقول له غير يادكتور،فقد كان أستاذ ورئيس قسم كمان فى قعدات الهلس والخبص،وقد صعد بقدرة قادر-ماتعرف كيف- من صاغ إلى لواء يعنى تخطى دفعات عديدة كانت فى رتبة البكباشى مثلآ ليكون اللواء عبد الحكيم عامر..هاقولك إيه؟؟ربك لما بيريد لانقدر لانعيد ولا نزيد؟؟

وبالطبع رئيس الجمهورية الزعيم البكباشى جمال عبد الناصر

تسألنى إنت ياعم جورج بتقول كلام مو مفهوم..يعنى إيه صاغ؟؟ويعنى إيه بكباشى؟؟

الصاغ والبكباشى ياجاهل،وأنا لاأحط من قدرك عندما أدعوك بجاهل فهذا تكريم وتقدير لأنى متأكد أنك عندما أقول لك ياجاهل ستحاول أن تذهب إلى المكتبات السمينة والثمينة لتقرأ فيها مايزيل عن مخك الصدأ الذى منحك لقب جاهل...تمامآ مثل مانراه اليوم من الجيل الصاعد الذى يقرأ فقط على صفحات الموبايل رسالة غرام تبعثها العصفورة لحبيبها فيقرأها مرة ومرة أخرى لأنها من حبيبة القلب،وتسأله يعنى إيه رومانسية وهى فى صميم طريقة الحياة يفتح فاه وينهق ليقول لك...مااعرفش أنا مالى ..أو يقول ماهياش فى مذكرة المدرس اللى بنصمها علشان ندخل ألأمتحان وننجح بمجموع 99.%..شفت الخيبة؟؟

ماعلينا نرجع لأخونا الصاغ والبكباشى وهى الرتب العسكرية فى الجيش وهى تركية المنشأ وتقابل اليوم الرائد،العقيد والعميد وماهى إلا مسميات والسلام عليكم.ا

الصاغ كمال الدين حسين أصله منوفى-مع ألأعتذار للمنايفة-دول على راسنا من فوق ،لكنها كانت وصمة عار أن يجلس سيادة الصاغ على الكرسى الذى شرف بأن يجلس عليه طـــــاها حســـــــــــين!!،واسماعيل القبانى،ومحمد عوض..ليكونوا وزراء المعارف العمومية،أما ألأخ الفقيد فكان يفوقهم فى شوارع الجهل وقلة المعرفة،هم علماء بلا شك ولكن نحن نؤمن بأننا نطلب العلم من المهد إلى اللحد،يعنى سنظل على قدر من الجهل ولو بالنذر اليسير حتى نموت؟؟

مما يذكر من أمجاد هذا الصاغ الوزير أنه قد ألغى إسم وزارة المعارف العمومية ليصبح وزارة التربية والتعليم..وأن فى خلده أن تغيير المسمى سوف ينهض بالعملية التعليمية (المتردية)وهذا من وجهة نظره حيث أن الجيل لايعرف ألألف من الكوز الدرة؟؟،لذلك قان أول خطوة نحو تحديث التعليم هى أن يتم تغيير المسمى للوزارة؟؟

تصدق بإيه ياراجل-لوإن الرجالة فى ألأيام دى أصبحوا فى خبر كان-الكتاب الذى كنت أقرأ فيه المطالعة ىومازلت حتى اليوم أذكر إسمه كان كتاب (المطالعة الريفية) ومؤلفه عمنا الكبير-ليس الكبير الذى نراه بالتليفزيون اليوم (ألأستاذ مكى) لكنه كان طـــــــاها حســــــــــين..والله العظيم تلاتة،وعليه الطلاق بالتلاتة..زى بعضه،للسنة ألأولى فى التعليم ألإلزامى؟؟يعنى ما يقابل اليوم الكى جى وااان والكى جى تووو

وخلينا نتفق مع سيادة الصاغ لنقول أن التعليم متردى..فهل تغيير المسمى هو البلسم الشافى ؟؟

دى واحدة...ثانى شئ هو أن سيادته قد أصدر فرمانآ(يعنى قرار وزارى)يمشى على رقاب اللى عاجبه واللى مو عاجبه..أنه من اليوم فصاعدآ أصبح الصاغ كمال الدين حسين رئيس المجلس ألأعلى للجامعات الذى يتشكل من خيرة أساتذة الجامعة فيكى يامصر...وهو مايعنى أنه يجلس على رأس ترابيزة ألأجتماعات،ويشير بإصبع سيادته ليتكلم فلان،أو ليصمت علان،أو ينال الرضا السامى من الصاغ..ألأستاذ الدكتور فلان الفلانى أستاذ مادة كذا..ورئيس القسم بجامعة كذا(على فكرة لم يكن بمصر وقتها سوى 3جامعات فقط) وهو ما أثار امتعاض بعض الناس وهم الذين يفكرون بعقولهم ولا يستخدمون أحذيتهم فى إعمال العقل والتفكير والتدبير لصلاح ألأمة المصرية

تسمح تحل عن سمايا وتقوم تروح القهوة تاخد ليمون بالنعناع..وتسيبنى أفتكر الذل الذى شربته مصر من هنا ورايح حتى اليوم وهو ما سألقيه على مسامع عظمتك...يامصــــــــــــــــــــــــــرى؟؟؟

يعنى عاوز تأكلنى البلوظة وتضحك على العبد لله ولن تبوح بسر هذه الشخصية العظيمة التى إستلمت وزارة المعارف العمومية من بابها ؟؟

وهوه يعنى لما تعرف البيبلوجرافى الخاص بسيادة الوزير هتهدأ وتبرد نارك ولا هترجع الزمان أيام إللى ماكانش واللى كان ونقول بالفم المليان:آآه ده عندنا وزارة للمعارف العمومية لها أهداف ولها إدارة وبتحقق نتائج!!

أريد من هذا الفسل أن يبتعد عنى أو أن يغور من خلقتى لأنى كلما سألنى سؤال رجعت بالزمن إلى أكثر من خمسين سنة حيث تقرر أن يستبدل بلقب وزارة المعارف العمومية إلى وزارة التربية والتعليم؟؟وهذا فاتحة التطوير الذى سيحدثه ويتمناه بل سيحققه الوزير الهمام سيادة الصاغ كمال الدين حسين أحد شباب الثورة الغير نابهين،ولكنه غصب عنى وعنك أحد أفراد بل طاقم الثورة ألإحدى عشر كوكبآ الذى قصدهم الزمن وهوه نايم يشخر أن تبوؤا منصب قيادة شعب مصر العريق الذى قطع شوطآ من الزمان قدره سبعة آلاف سنة ميلادية ،ولكنى صدقنى لاأعرف كم من السنين العربية ،لأنى لاأحب العربية،ولا الذى يمتطيها فمن امتطاها أو التصق بها فقد هوى إلى الحضيض..وساعات أسمع واحد يقولك..إحنا بقينا على الحديد؟؟حديد إيه وزرنيخ إيه ماتفوق وتشوف نفسك إنت موقعك إيه على الخريطة العالمية..سيادتك ونج لفت،ولا سنتر هاف زى مانت فاكر..ده مربط الحمار ياسعادة الوزير؟؟

أجيب على السؤال بسؤال آخر:

هل فاقد الشئ يعطيه ياهذا؟؟

يجيب وكأنى أسمع إجابة واحد فى كى جى وان::طبعآ لأ آكل الشئ لايبغيه...

بالذمة أنا قاعد مع بنى آدم..ولا قرد وانسخط إنسان؟؟

على أى حال مش كل البنى أدمين حيوانات ذكية ولكن فيها من اجتهد وثابر حتى وصل إلى أن يكون حمار،أو قرد ذكى..أو تور بقرنين..إلا صاحبنا هذا الملقب بوزير التربية والتعليم سيادة الصاغ المبجل كمال الدين حسين....!

تصور واحد أخذوه من الدار للنار..واحد كل مؤهلاته أنه كان راسبآ فى إختبار الشهادة التوجيهية..؟؟

توجيهية؟؟يعنى إيه دى شهادة معادلة يتم الحصول عليها بمعادلة من بلد الكفار؟؟

أجيبه وقد عصرت على نفسى ليمونة فاتت مدة صلاحيتها قول سنة،أو سنتين..ولكنى أجيبه لله تعالى..!

ياإنسان ياغلبان ياللى يفضلك الذى تقول عليه حيوان..طأطأ ودانك واسمعنى:

زمان المدرسة الثانوية كانت منقسمة لمرحلتين..من أولى حتى السنة الرابعة...ولم أكمل الحديث  إلا ووجدت أذناه قد ارتفعت بما يقرب من حوالى 5سنتيمتر ونصف فقررت أن أغلق فمه وقلت له لاتسأل لأنى أعرف السؤال مقدمآ..نعم لأن المرحلة الثانوية كانت خمس سنوات،مقسمة إلى مرحلتين،أولاها تنتهى بالسنة الرابعة،وألأخرى مدتها سنة واحدة هى السنة الخامسة وتسمى المرحلة التوجيهية...ا

أظنك فهمت يابنى آدم وماتسألنى بعد كدة أسئلة ذكية من هذا النوع لأنى حاسس أن البواسير هاتنزلى وهاضطر أقولك خليك لبكرة..قلت إيه؟؟

يعمل حركة لا أستطيع توصيفها أو أسترجع شكلها إلا عندما أرى الحمار زنفل بتاع جارنا حمودة وهو ينهق ويدلدل ودانه علامة على الراحة وعندها يأخذ إستراحة.ا

فكمال الدين حسين نجح بتقدير اللى يحب النبى يلعب مناخيره ودقنه كمان..وذهب مبرطعآ إلى السنة الخامسة مسبهلآ ومبتهجآ كمن قام بفتح الست عكا؟؟

ألأستاذ إسم الله عليه وعلى حواليه رسب فى السنة الخامسة..يعنى كل مؤهلاته..حيا الله شهادة الثقافة أو الرابعة الثانوية..وبينى وبينك أيامه كان ممكن بالثقافى يتوظف فى ديوان ويترقى لغاية مايكون حمار قصدى وزير..ماهى كانت هيصة،ولم يكن هناك الوزير الدكتور بل كان هناك الحمار الطرطور؟؟

هاتعمل إيه ياد ياكمال؟؟..هاتعمل إيه ياكمبل؟؟ده هوه بيسأل نفسه..ولم تستطع الفهامة العجيبة أن تجيب على هذا السؤال العويص فلم يجد بدآ من أن يقول:

إفرجها يارب

والظاهر أن أبواب ما يقال أنها السما كانت ملخلخة حبتين فتسربت الدعوات إلى مقام الرب فجاء الفرج بصدور قرار..ولا تسألنى هل هو قرار وزارى أم قرار من الملك يعنى ملكى؟؟الرب هو الذى يعلم

كل من يحصل على شهادة التوجيهية وشهادة الثقافة العامة له الحق فى أن يتقدم للدخول للكلية الحربية؟؟

يافرج الله ..كان الواد كمال بيروى أرضهم ..أهو حاجة يسلى فيها..بدل ماهو قاعد لاشغلة ولا مشغلة..فلم البقجة بها شلاتيت مما كان قذرآ أو شبه ذلك وركب السبنسات،وأظنه وصل مصر أم الدنيا تسطيح من أجل أن يتقدم للدخول للكلية الحربية...وزغرطى ياللى مانتيش غرمانة..الواد كمال اتقبل ودخل ..هوه إللى بيدخل يزغرطوله؟؟أمال أمى لما دخلت مازغرططش ليه؟؟

سؤال أتوجه به إلى صديقى وحبيبى كمبورة الذى أشتاث دائمآ لأن أجلس معاه ونتعشى عشاء عمل وبعدها يحصل حاجات لن أبوح لك بسرها..لأنى لست فتانآ والناس أسرار

باى باى ميزإنفان  أنا باسمعهم يقولوها كدة

لماذا..ثم لماذا..ياهذا تدهورت الشخصية الجامعية؟؟

عايز أنام ياعالم أنا راجل عجوز ..إرحمونى

لو طلع عليه نهار إبقوا قابلونى على قهوة كتكوت..باى كمبورة

الصاغ كمال الدين حسين،والصاغ صلاح سالم....وشوبش لكل إللى شرفونا

قول ياسيدى...مانت ياما قلت كلام..وبينى وبينك بنسمعه من هنا ويخرج من هنا،ويشير صاحبى الذى أود أن أدلق على أم رأسه صفيحة ماء بتغلى مثل التى كانت أمى تولع تحتها باجور الغاز وكنا نشترية من السوق الحرة حال نفاذه من كوبونات التموين التى كانت تتعطف علينا وزارة التموين وتمنحنا إياها،وكان الغسيل لايكون غسيلآ إلا إذا تم غليه بالماء والبوتاس الكاوى..فتمنيت أن يبعد عنى هذا الفسل الذى زاد من غضبى وهياجى ولكنى بقصد أن أقول له معلومة أو طرفة،كنت كمن اشترى بقرش صاغ صبر من عند العطار ،ثم جلس مع حماته يستمع لقوانينها التى تماثل فرمان السلطان وذلك بعد أن شرب الصبر وشرب المر بعد ذلك منها.ا

قلت له والتاريخ يمر أمامى فى تتابع حيث يقول عنه أهل السينما "فلاش باك" بعد أن قامت الثورة كان مقعد وزارة المعارف العمومية من نصيب رجل له باع طويل فى الجامعة هو ألأستاذ الدكتور محمد عوض وكنت أحسبه من علماء التاريخ بكلية ألآداب على ما أظن،وذلك بعد أن قامت الثورة وقام معها تتابع كالماراثون بين قادة ألأحزاب حتى أن كرسى الوزارة قد تبدل عليه نفس الشخص وهو حسين سرى باشا مرتين فى خلال ثلاثة أيام؟؟مما يعرض لك ألإضطراب الذى كانت تشهده مصر ويتوازى مع ما كان فيها من فساد وإفساد جعل طاها حسين"مع ألإحتفاظ باللقب سيادة العميد"يفقد كرسى وزارة الوفد التى قدمت إستقالتها إثر حريق القاهرة فى 26يناير 1952،وقامت الثورة"المباركة" وعلى فكرة كنا نعاقب لو كتبنا موضوع ألإنشاء"التعبير" خاليآ من إلحاق كلمة المباركة بعد كلمة الثورة!!ا

إلا أن الثورة المباركة لم يعجبها تواجد أناس ليسوا من أعوانهم أو أحبائهم فتمت عسكرة الحكومة باستجلاب الضباط ألأحرار ليتبؤا مقعد الوزير غير عابئين تما/مآ بما يعرف بالتخصص،المهم أن يكون الوزير ضابط بعدد نجوم،على كتفيه لأنه أهل ثقة وليس أهل علم؟؟

وأرى ياصديقى أن هذا هو بداية نزناز التفسخ الذى حل بمصر ففقدت فيه ألإدارة كينونتها،وتفسخت هيبتها وحل الترهل بالجهاز الحكومى على إثر ألإعلان الرسمى بعسكرة الدولة!!ا

على سبيل المثال تقلد السيد قائد الجناح عبد اللطيف البغدادى منصب وزير الشئون البلدية والقروية،وهو قد يتعادل فى  كفة ميزان مع المسمى الذى يعرف الآن بوزارة الإسكان،ووزارة الحكم المحلى..والشهادة لله كان الرجل نشيطآ متقدآ ومتوهجا فى عمله وقراراته،ولنا بل علينا أن نعطى كل ذى حق حقه،فالسيد عبد اللطيف البغدادى هو الذى أنشأ كورنيش النيل حيث مازال يحوط مجرى نهر النيل من أول شبرا حتى حلوان وبذل الجهد والعرق كى ينزع تعديات أفراد كانت القوة هى دينهم والعنوة طريقهم للإستيلاء على أراضى الدولة بقصد ألإنتفاع الشخصى وإهدار ألإنتفاع العام؟؟فبقرارات ثورية انتزعت الدولة ما يحق لها واستحقت أن تنفذ مشروع الكورنيش.ا

إلى جانب تجميل القاهرة وميدان التحرير،و سيأتى اليوم الذى يحتمون فيه بمنطق وتخطيط ميدان التحرير الذى أصابه العجز والهرم فأصبح مأوى للخارجين على شرعية الدولة متسترين فى ظل الثورية،والمهلبية،ولا أدرى أنشهد اليوم الذى يحتل ميدان التحرير أباطرة الكيف والترامادول تحت شعار "المزاج لكل مواطن"؟؟؟

ماعلينا..نرجع للوزارة والوزراء،الله يخرب بيت الوزارة على المستوزرين ،ليس كلهم بل من انجعص على الكرسى وضرب الجرس فأتى الساعى فى حلته ألأنيقة وقال شبيك لبيك سيدى وتاج راسى وزير مصر الهمام؟؟تطلب إيه وأنا ألبيه حتى لو كان لبن العصفور؟؟هل للعصفور لبن؟؟طيب ما تشحتنى شوية لبن أشربهم على الريق يمكن ربنا ينفخ فى صورتى ويتعدل مزاجى وأرجع جورج بتاع زمان؟؟

مين مش عاجبك فى وزراء ولكن ثوريين؟؟يقول الهم الكبير الذى ابتلانى ربنا به..وهو يخفى تعجبه من تحاملى على الثورة ووزراء الثورة؟؟

قلت له لاتستعجل على رزقك،فكما يقولون التقل وره...ا

من الوزراء كان واحد إسمه الصاغ صلاح سالم..أحد القواد العظام..ولا تخفى خبثآ حين تستمع لكلمة قواد فهناك فرق بين قواد بفتح القاف وقواد بضم القاف..أرجوك قم بتنظيف قلبك من هذا الخبث..ولكنى أستدرك بعد هنيهة لأتذكر أن أحد الوزراء عمل قوادآ للمشير-الله يرحمه- وهذا موضوع لامحل له من ألإعراب فى هذا المكان.ا

الصاغ صلاح سالم فصلت له بالمازورة وزارة أطلق عليها إسم..وزارة ألإرشاد القومى وكنا حتى حينه لانعى ماهو ألإرشاد،ولا حتى القومى ..نسيت أقولك أن سن المرحوم كان 32سنة وكان أصغر-فى العمر- وزير تقلد فيكى الوزارة يامصر؟؟

معلهش للمجاملات أحكام وقد تكون نتائجها مدمرة ولكن الشرعية الثورية تنتج بلاوى ودواهى فتحملنى حين أسرسب لك البلاوى وأعرض عليك الدواهى!!ا

أما الحقيبة التى شرفت بأن كان حاملها أستاذ ألأدب العميد طاها حسين فقد كانت من نصيب الصاغ كمال الدين حسين وهذا له قصة سنتقصاها منذ نشأته مرورآ بدراسته وصولآ حتى وزارته.ا

ممكن تسلملى على كل اللى يسأل عليه؟؟وقلهم أنا زى الفل وهاكون حديد رغم أن العمر بيجرى وإخوانا من فى القبور الظاهر مستعجلين وموضبين القعدة وراسهم وألف جزمة قديمة لايبدأوا قعدة المزاج إلا بحضور العبد لله؟؟تفتكر هيقعدوا ولا ....العلم عند الرب

فى سنة 1952 كان فيه وزير المعارف العمومية إسمه طاها حسين

نفسك فى إيه ياعم جورج؟؟

نفسى تبعد عنى وعن طريقى..ياعم سيبنى فى حالى أنا ناقصك!!

طيب بس روق..تاخد سيجارة؟؟

ماباشربوش ماباتعاطاهوش مابحبش ريحته ياعم الله لايسيأك إبعد عنى..تصدق بايه؟؟أنا نفسى مو طايق نفسى

يعنى وصلت لدرجة أنى كرهت نفسى وهى إحدى درجات التآكل النفسى التى قد تنبئ عن إنهيار للمجموع العصبى المتقوقع فى بؤرة الفرد الداخلية التى قد تبهت على النظام الكلى للفرد مما ينعكس أثره على النوع ألإنسانى والجنس البشرى

لأ بأه ياعم جورج أنا لافاهم ولا عايز أفهم..إنت بتقول شعر فى هيئة نثر؟؟بتقول حكم والا بتقول مواويل؟؟

لأ ياحبيبى الكلام اللى قلته هو أصدق تعبير عما يدور فى نفس مواطن مبقوق..ومبقوق يعنى مسبهل من كتر اللى شايفه ..وطبعآ لاأنت عارف مبقوق،ولا عارف مسبهل وكأنى قد فسرت الجهد بعد الجهد بالماء..الماء الذى بعد 30سنة بالكتير لن تجدها لترش بها الشارع علشان تجيب طراوة،الماء الذى بعد وقت ليس بالبعيد سوف تشتريه بالكوب،وساعتها أرجوك تيجى وتقوللى وأنا نايم مستريح من الدنيا وبلاويها فى قبرى الذى أتمنى أن أحصل عليه وهو متر ونصف فى متر لاأكثر ولاأقل لتقول لى أخبار الدنيا عندكم إيه؟؟بعد الشر حلوة؟؟ماأظنش دى لو إستمر الحال على هذا المنوال هتكون خرابة وكل واحد يقتل التانى علشان يلحق متر فى متر يقدر يعيش فيه،ولما يموت هيقتلوا بعض عليه!!ا

كل ده وكاتمه فى قلبك ياعم جورج..ياراجل الحياة أهون من كدة..تصدق بالله أنا امبارح فرحت واسبهليت لما عرفت إن حمدين صباحى مانت عارفه ،اللى قال بعد إنتخابات الخرفان إللى فاتت"أنا رئيس مصر القادم""..قد شمر عن ساعديه وطرد الشياطين من حواليه..إسم الله عليه وأقام سرادقآ إنتخابيآ باعتبار ما سوف يحدث من إقامة إنتخابات قادمة لرئيس الجمهورية

ياخيبتك فرحت واسبهليت؟؟على إيه؟؟وهوه المدعو حمدين صباحى كان فين من زمان؟؟هل كان بعافيه حبتين؟؟هل كان فى فرقة شمس فوق السطوح بيقتل القمل الذى يطيح براس سيادته؟؟

والله معاك حق ياعم جورج..الناس دى واللى كانوا مصدعين رءوسنا بما كان يسمى جبهة ألإنقاذ لاسمعنا لهم صوت بل سمعنا من صوت عليهم ولكن لم يقل:ا

ياجملى..ياسبعى..ياللى كنت مالى البيت عليه ياخويا..إلى آخر تلك الترنيمات العبثية التى تسمعنا إياها المعددتية أو الندابات..وهى مهنة لبعض النساء كانت تمتهنها مرة (واحدة ست)لاتجد لها شغلة أو مشغلة سوى أن تلهب صدور النساء على عزيز مات لهم

وهل تجد لهم فائدة اليوم ياعم جورج؟؟

الواقع ياإبنى أن اليوم هو اللحظة المناسبة لاستعادة الندابات حيث المناخ ملائم لنندب حظنا ونندب موتانا الذين توهمنا فيهم يومآ أنهم المخلص لأوجاع مصر،والذى سيحمل على كاهله بلاوى مصر وما تراكم من العقد والشراشيب فيكى يامصر..إمبارح بكيت وندبت عليكى يامصر لما شفت الواد اللى ماأعرف لونه ولا طعمه لكنى بالتأكيد أعرف رائحته..فهو الواد النتن الذى حرق رمز مصــــــــــــــــــــــر؟؟

طيب ياعم جورج انت هتقعد تولول زى بتوع الله يرحمهم بتوع جبهة ألأنقاذ دول ماتقول حاجة..ماتقترح شئ؟؟طيب وحياة أبوك ياشيخ قول لنا وسمعنا صلاة النبى

آآآآآآآه ماهم بيقولوا صلاة النبى أحسن من كل شئ؟؟شفت خيبة مخ وعقل وتفكير الشعب المأفون..ومش هاتكلم أكتر من كدة أحسن بتوع أمن الدولة يعملولى قضية إزدراء أديان..ياعم خلينى ماشى فوق التروتوار

وقد كان نفسى فى قدح من القهوة المستكوفى التى قال عنها الراحل عبد المنعم مدبولى فى مسرحية "ريا وسكينة" لأنى تعبت خلاص من كتر الشيل والحط

تعرف ياد إنك مسكت مربط الفرس،وإنى لازم ولابد بل يجب على أن أدلى بجردلى فى المسألة المصرية أو المشكلة الوطنية وأن أخرج مافى جعبتى من اقتراحات يارب لا توضع فى سلة المهملات!!ا

لم يرد على بالى فى تلك اللحظة إلا صورة وزارة المعارف العمومية وقد رأيت الوزير الهمام فى التلفاز يقول بالفم المليان""أنا سبت -آخد بالك من سبت دى-بيقولها وزير التعليم الذى من المفروض أن يكون قدوة أو حدوة للناس فى الحديث بلغة عربية..ماهى عربية مهكعة يعنى جت على دى ياسى جورج؟؟

نكمل ماقاله الوزير يقول لافض فوه"أنا سبت رسائل الدكتوراة -باعتباره مشرفآ على تلاميذ الدكتوراة- والآن أطلع على كتب أولى وتانية إلى سادسة إبتدائى لأصحح ماقد ورد فيها من أخونة(أخولة) عفوآ القافيه حكمت معلهش وتصحيح ألأخطاء بها؟؟

ياسنة سوخة ياولاد..الوزير بنفسه يقرا ويحاول أن يصحح؟؟

لازم أرجع وياك لسنة 1950 ساعتها كان فيه وزير إسمه طاها حسين كان ساعتها لابس الطربوش وعضوآ فى حزب الوفد على ماأتذكر وقد اختاره رفعة رئيس الوزراء مصطفى النحاس باشا زعيم حزب الوفد وصاحب المقام الرفيع..ليكون وزير معارف...فقبل بشرط أن تتقبل الحكومة أن يكون التعليم كالماء والهواء وأن يكون بالمجان لكل طبقات الشعب؟؟

ممكن ارتاح شوية ونتقابل بكرة ..وماتنساش تسلملى على كمبورة وقوله فلوس الجمعية جاهزة وخليه يعدى عليه

الله يخرب بيتك لبيته 

الواد اللى حرق العلم ده أبوة بيشتغل إيه مدخنة قطر ولا خرمنجى سجاير؟؟

 فيه سؤال محشرج فى زورى..على فكرة فيه ناس بتكتبها ظورى..مابتفرقش يعنى هية جت على زورى ولا ظورى؟؟هيه بينى وبينك غلطة إملائية كان ينتفض لها عمنا طاها حسين لو كان سمعها..ده ياراجل المرحوم اللواء الدكتور عبد الوهاب طيب الله ثراه أثناء تسجيل أغنيته الخالدة  النهــــــــــــــــر الخالد غلط فى تاء الفاعل فبص لقى عمنا طاها بيحرك صوابع إيديه تقولش لدغته عقربه فاضطر عبد الوهاب أن يعيد المقطع صحيحآ سليمآ وستجد ذلك فى ألأغنية .ا

قصدى أقول لحضرتك أن مصر بها المتناقضات وألأخطاء التى لو توزعت على فرنسا والمملكة المتحدة لكانوا جابوا ضلفها وقفلوها من ز مان  لسبب بسيط أن الناس دى مابيحبوش الحال المايل..واحنا كلنا مايل من ساسنا لراسنا..

طيب قولنا ياعم جورج

مش هاقولك الأقتصاد كله خروم،ولا الناس انسلخت من جنس البنى آدمين وأصبحت وحوش كاسرة ،الكل بيجرى هنا وهناك ويخبطوا فى بعض ويبصلك ولا متأسف ولا باردون..هأهأهأ..آل باردون آل..إنت مفكر نفسك فى الشانزلزيه يابا؟؟إبتسم ده أنت فى مصـــــــــر يعنى حضارة سبعة آلاف سنة..وساعات أسمعها خمسة آلاف..وساعات تلاتة..وساعات مايقولوش ومن حسن أدبهم مايجيبوس سيرتها ويحرقوا الرمز بتاعها..آه يحرقوا علمها ؟؟؟

وهكذا كتب أسم المصريين بأحرف من هباب أو قطران فى موسوعة جينيس للنوادر وألرقام القياسية،وعلى قدر علمى لم أسمع عن بلد ..لآ بلد إيه دى أقدم بلد فى العالم قبل الصين واليونان ..إنت بتقول إيه؟؟

لم أسمع ولم تلتقط أذناى خبر قيام شعب بوركينافاسو السعيد بحرق العلم الفاساوى لأن الناس متضايقه مثلآ من إسم البلد بتاعتهم والناس لايزوروها وبيقولوا ريحتها مش كويسة؟؟ولكنهم لم يحرقوا العلم،ولا حتى فى جزر القمر ؟؟

ياعالم ياهوه إرحمونا من ألأيدى المرتعشة وخليكوا رجالة..أو ردالة علشان الصعايدة ماتزعلش واعملوا محاكم ثورة مثل ما عملت ثورة 1952 وحوكم من دلعوا الفساد فى مصر ومن حتى قال لا من فصيل العمال مثل البقرى الذى حكم عليه بالأعدام!!

لانريد أن نعامل من أفسد الحال فى مصر وأراد أن يبيعها لقرى الخليج ولكى يتفشخرا الوضيع قرد خان التركى الذى يحلم بامبراطورية الرجل المريض ويكون هو السلطان ويستعرض القلل من تانى ويقول لنا أشرب فلد خرسيس من دى وماتشرب فلد .ا أنى يوم حرق العلم فى ميدان التحرير  عادت بى الذاكرة لسنة 1947 حيث كنا يوميآ نصطف القصير قدام والطويل ورا..وبعد أن يمر علينا ضابط المدرسة ويرى أظافرنا وقد قصت،وأحذيتنا أخده وش أو وشين ورنيش والقميص مكوى..والله ماأحد مكوى سوى العبد لله

بعد ذلك يرفع العلم طالب من فطاحل المدرسة يعنى من سنة رابعة وكان تلامذة سنة رابعة يلبسون  الطربوش؟؟آه الطربوش ده كان حلة الواحد يحطها فى دماغه إحترامآ للموقف..قصدى الموقف الذى فيه وليس موقف الحناطير مثآ،ومن عجب أن القاضى لو رأى أحد الجلوس فى المحكمة بدون طربوش يضعه فى القفص لأنه أهان المحكمة

طيب لو البيه القاضى شاف الواد اللى حرق العلم ياترى كان يحكم عليه بايه؟؟

قوللى انت وبكره نكمل وماتنساش تسلملى النهاردة على كمبورة وأخوه حنكورة..

كان دخولى صدفة..وجاء نتيجة عبث من ألم به ملل،ففى ساعات الليل قد يهرب منا النوم،وقد يكون هروب النوم بسبب شربك لكبايتين من القهوة التى تعدل الدماغ خاصة لو كانت من باب اللوق حيث محل الحاج عبد المعبود الله يرحمه وكنت أعرفه شخصيآ ولم أعرف له غير قميص أزرق أو سماوى،وبنطال أزرق كأنه فى عنبر مصنع ويلبس العفريته..!

قوللى همه ليه سموها العفريتة؟؟أجهدت جمجمتى كثيرآ كى أصل إلى قرار القرار فلم أفلح وكان فشلى والظاهر عند الله أنى لم أملك قاموس باللهجة المصرية حيث كان هو المرشد لما أبغى أو أريد.

المهم أن القهوة تتأرجح الدوريات العلمية التى تنتشر فى جميع أنحاء العالم مابين مؤيد لتعاطيها..أو إدمانها -وهاقولك ليه إدمان-وما بين منفر لاسستخدامها كمشروب إذ ألأول يسرد على مسامعك فوائد،والثانى يدحض ماقاله ألأول وتقع أنت فى حيص بيص؟؟

ليه قلت إدمان ؟؟لأن مادة الكافايين تعمل كأى مادة دوائية مماثلة على إحداث نوع من ألإدمان وطلب الجرعة التى تتناولها حتى تحس بالراحة ..وإما لأنك تفكر فى اللى ناسيك أو تقلان عليك..وقد يكون أو تكون مدرب،أو مدربة على عملية الهجر والبعاد حتى تتقلب على نار الجمر وقد تكون أو يكون أكثر منك شوقآ للقاء أو الكلام أو الحديث..المهم أن واحد منكما أو أنتما تسهران تعدا النجوم إلى أن تطلع الشمس وأنت تفكر فى الحبيب ،أنا لو منك والله مانا سائل عنه أو عنها..هوه لازم نثبت بالتجربة أن الحب بهدلة؟؟ماتسيبها أو تسيبه ياأخى ..هوه مفيش غيره.>؟؟لأ ياحبيبى ده فيه 85مليون  نصهم نسوان،والباقى رجالة..فلو لك فى صنف الحريم نقى واختار ،أما لولم يكن لك فى الصنف وبتحب الصنف التانى فذ نبك على جنبك..ماتوصلش لما يحدث فى المؤخرة فالمؤخرة ضريبتها كبيرة جدآ وأنصحك أن تكتفى بالمداعبات الهادئة التى حتما يتولد حرارة وانت وشطارتك ياتوصل 43 ياتطلع بارد والكهربا عندك عاملة قفلة وتلاقى الزبون طفش منك..ياخيبتك القوية

نرجع لليلة التى هرب منى النوم فيها،وقد فتحت النت ودخلت على حاجات كتير من فيس بووك إلى يوتيوب ثم قادتنى الفأرة العجيبة لموقع لم أدخله من قبل يدعى "أهــــــــــواء" وهو كما علمت من متردديه/وعلى فكره أغلبهم بنات لكن دمهم خفيف..يبدو أنهم ولاد ناس...؟؟؟

أنا قلت حاجة غلط؟؟آه ولاد ناس غصب عنى أولآ ولما تتعامل وياهم هيبقى غصب عنك انت كمان..ولا علشان مثليين ومثليات يبقوا مش ولاد ناس؟؟قصدك ولاد كلب؟؟

لأ أرجوك إغسل مخك بالديتول لأن الشركة المنتجة بتقول الديتول أصبح 4*1 ينضف،يقتل الميكروبات،يلمع والرابعة مش فاكرها إنما ممكن ألأعلان يقولك على أى حاجة أى حاجة..مش فيه إختراع اخترعه المصريين بيطول ويتخن مش عارف إيه؟؟والله لو كان ده صحيح لكان حصل ثورة وأصبح أحسن عند الناس من أكل السيمون فيميه،والكافيار.!ا

فيه فوضى فى ألإعلان ولا مراقب ولا محاسب وكله ماشى على رأى فؤاد المهندس فى 5باب.

الموقع عنوانه

www.ahwaa.org

مضطر أقولك باى باى لأنى هادخل على الموقع وأدردش أو أستكمل موضوع مكون من 6حلقات 

باى باى

دماغ من غير كيف بدها ضرب السيف

 أنا مدمن ...آه باقول أنا مدمن...فيها حاجة دى...طيب ماهو جارى ألأستاذ عبالعزيز إللى مخلف أربعة من البنين والبنات مدمن هو ألآخر..وكل مايشوفنى يقوللى:

والنبى يادكتور عاوز ترامادول...!

أنظر إليه لأقول له:ترامادول ياأستاذ عبالعزيز؟؟ماهو ملقح وبيتباع على الرصيف القرص مش عارف بكام ،إنما إللى متأكد منه إن التجار-قصدى تجار الصنف- ولامؤاخذة نزلوا السعر وأصبح الترامادول فى متناول الجميع،يعنى قرص لكل مواطن و لو واحد زى حالاتى بياخد معاش 167 جنيه..جنيه ينطح جنيه يقدر يخنصر من مصروف البيت ماقيمته يكفى لشراء الصنف..وهذا كما علمت بسبب أن العملية ليست أكثر من عرض وطلب ويارب بكرة تبقى عرض وطول أحسن؟؟

ينظر إلى ألأستاذ عبالعزيز من طرف عينه إللى هايكلها الدود إنشاء الله..قول آمين،ليقول لى بلهجة ألإطراء:

يادكتور إنت تفهم أكتر منى وأكيد تعرف الصنف الجيد من الصنف المضروب،إنت دكتور وخبرة

أرد عليه وأقول:

ياأستاذ عبدالعزيز أعترف بأنى خبرة وعجوز كمان بس خبرتى فى تركيب روشتة معقربة..أعرف أصرف روشتة مضبوطة..لكنى فى المخدرات والله العظيم أحلفلك كمان بالطلاق إنى أبيااااض خالص..على الزيرو والمخدرات بينى وبينها عدم استلطاف لدرجة إن الدكتور مفتش الصيدليات يقولى :

يعنى مش عاوز تتعتع الكام أمبول ألألفاكامفين دول من الدفتر وتخلصنا؟؟

يبدو أن الغش والكلام للأستاذ عبالعزيز قد طال كل حاجة فى البلد:من لحمة مغشوشة...مستبدلة بحيوانات أخرى لاتنتمى لجنس البقر أو الجاموس بل تنتسب لأجناس أخرى متطورة قد يكون لهاآذان طويلة،وجلد رصاصى اللون  وقد يكون التطور لحقها فأصبح لها صوت يدعى نهيق..وتذبح وقد يضحى بها من أجل عيون الفقراء ليأكلوا لحمآ طريا؟؟

وإيه تانى ياترى أصابه الغش واللعب على المغطى وليس على المكشوف..مع ألأعتذار للسيد عادل إمام والرفيق سعيد صالح..

هاقولك إيه ولا إيه سيبك من اللحمة والطماطم التى صرخت بأعلى صوتها لتقول:هوة أنا ماليش نفس ياولاد..مااسرائيل غشتنى وبعتتلكم رسالة مش عارف فيها إيه؟؟

بالذمة ده كلام؟؟ياإخوان السوء،وياأحط خلق الله هيه مصر بتنتج طماطم قليلة علشان نستورد طماطم من إللى ماتتسمى؟؟إشاعات ..إشاعات..إشاعات على رأى سعيد صالح فى ريا والمسكينة سكينة 

أما الغش المعنوى فحدث عنه ولا حرج وأقصد به غش الذمم..غش النفوس..وتزوير الفلوس..

لذلك أدمنت ..نعم ياسيدى أدمنت..وأشرب منه مايكفينى أن أتسلطن،ويكون مزاجى عالى جدآ لأفكر وأنا أحلق فى السما السابعة...ولكن يؤسفنى أن أقول أن ما أدمنته سعره أصبح غالى فبعد أن كنت أشتريه بربع جنيه..أصبح الربع جنيه لايستعمل فى المعاملات البشرية ..طيب وأنا ذنبى إيه إذا كنت قد أعلنت من قبل براءتى من القطيع ألأنسانى وانتسابى للقطيع الذى يفهم ؟؟

سأشتريه مهما كلفنى من مال..وسأبحث عنه فى كل مربط،أو حاصل حمار وسأقترضه من أهلى وعشيرتى وبعيد عنك  دماغ من غير كيف بدها ضرب السيف..هكذا قال أحد بنى حشاش طيب الله ثراه

نداء:

أرجو لكل من يجد الزفت إللى باعصره واشربه من أجل عدل الماغ أن يرسلى ولوعدد 5حزم حتى لو لزم الأمر فى البريد السريع لأستطيع أن آخذ الجرعة اليومية من عصير البرسيم..وعايزكم تدعوا لى وتقولوا بالهنا والشفا..على شرط لن أفرط فى حزمة واحدة..دى مصالح يابا

ياناس اتقوا ربنا وماتقولوش سمك لبن طمر(تمر) هندى

كل شئ فى ها البلد أصبح بالهوى والمزاج..لما اتنين يختلفا فى خبر،أو تقرير،أو سرد لنبأ ممكن نقول ممكن ونبلعها..واحد يقول السماء لم تمطر اليوم،التانى يقول لأ دى أمطرت فوق رؤسنا وكنا بنتكتك من البرد..ده لأنه فى بلد تانية وده غير دكها،وده صح وده صح برضه..معايا ياترى ولا نمت منى؟؟

إنما يامبارك لما واحد يطل علينا بطلعته البهية ويكذب الخبر الذى مازال عالقآ بالأذهان ولم يمر عليه يومان ليخبرنا بأن عروسة البحر وجدت ملقاة على الشاطئ،وأنه لايوجد عروسة البحر فكأنه يدعى العلم ويحاول أن يحشر نفسه بالقوة وبالعافيه فى زمرة العلماء!!

كدة بسهولة ياعم الشيخ؟؟ياللى فضحت نفسك وأبنت جهلك على الملأ،واللى يتفرج أهلآ وسهلآ وعلى عينك ياتاجر؟؟

نفسى ياأبو العريف تذهب إلى متحف ألأحياء المائية فى مدينة الغردقه لترى عريس البحر وشرفك العبد لله شافه وماصلاش على النبى وأقولك أمارة يابو العريف وماتقولش لحد...والله حسست على جسمه ولمست كل نقطة فيه حتى اللى بالى بالك حتى أتأكد وليس لغرض خبيث أنه عريس البحر 

عليك أن تذهب للمجمع العلمى إذا كان مازال فيه رمق من حياة ولم يكن ألأخوان قد نهبوه فى غفلة من الزمان وظنوا أن الحفريات التى به هى طوب أو حجارة يظن الكفرة والعلمانيين أنها تماثيل مسخوطة يستعملونها بدل التماثيل التى كان يعبدها أجدادهم بالجزيرة العربية!!ا

ياناس حرام عليكوا تأكدوا قبل أن تتفوهوا بما ليس لكم عليه من سلطان،من الممكن أن تتصل ياأبو العريف بكلية العلوم بجامعة القاهرة لتتأكد أن الدكتور الذى اكتشف حفرية عروسة البحر بالفيوم قد سجل له التاريخ ذلك واسأل أيآ من علماء الباليانتولوجى مدى صحة هذا الكلام

باى باى أبو العريف وليلتك غير سعيدة ويارب بعد ماتموت يجى ألأولاد بعد مليون سنة ويجدوك حفرية مالهاش لازمة ولا عازة....قول يارب

ياعروسة البحر يانوارة

وهللت الصحافة وفتحت بقها وكان مثل فردة شراب مقطوعة وذلك بسبب أن من أورد الخبر كان مندهشآ،ومنبعجآ أو منجعصآ وهو يكتبه ولو كان الحال كما كان أيام حكم الغبرة لكانوا طنطنوا وزغرطوا وقالوا هذه آية من آيات الله؟...إسعى وصلى على النبى ،شفتوا أهوه كلام ربنا عمره ماينول ألأرض:ويخلق لكم مالا تعلمون؟؟

أقول للكونت ألإسلامى الحقير روح شوفلك تربة تكون بشباك يطل على البحرى وادفن نفسك فيها وماتنساش تفتح الشباك علشان يدخللك الهوا فتفوق من الغيبوبة التى كانت تلازمك !!ا

الخبر قديم جدآ يعنى أقدر أقول لعظمتك أن أحد علماء الجيولوجيا قد أتى بمثله وكان ذلك فى سنة1963 حيث أثناء التنقيب عن الحفؤيات فى منطقة الفيوم اكتشف هذا العالم عروسة البحر كحفرية وليست جسدآ حيآ بطبيعة الحال وقد نقلت وحاول ترميمها بعد أن وضعت فيما كان يعرف بالمجمع العلمى فى ميدات التحرير بالقاهرة.رحمة الله عليه 

صدقنى الخبر الذى نشر بأن عروسة البحر وجدت ملقاة على الشاطئ وأنها كانت مجهدة وياحرام وكانت بتعيط؟؟آه ممكن ماهو الستات كدة لما تتزنق تعيط ولما يحصل حاجة تانية تزغرط..شوف ياأخى

نعم يوجد الذكر وألأنثى فكما نعرف فى الشعبيات من قصص وروايات أن البحر به ما يسمى بالجارية وأظن أنهم كانوا يقصدون عروس البحر ولكن حصل خطأ عقلى قلب العروسة إلى جارية والجارية كما كانت تحكى لى ستى أم أبويا تيتة جميانة أن الجارية تظهر بالليل على شاطئ البحر لتنتقى وتختار ممن يسير على شط البحر من الرجال واللى يعجبها تكلبش فيه وماتسيبوش ..كانت جارية قادرة وحدث مرة والعهدة على ستى أن خرجت الجارية من البحر وكلبشت فى واحد وللتأكيد أسمع من تيتة جميانة أن هذا الرجل كان إسمه السعيد حرامى؟؟يعنى ياتيتة لم تجدى إسم غير ده تضحكى به على العبد لله؟؟ تكمل ستى القصة التى كنت لاأمل ولاأكل من طلبها وإعادتها حتى ولوكانت مكررة كل يوم...شغل عيال تقول إيه؟؟

وتؤكد ستى أم أبويا أن السعيد حرامى ظل تحت الماء شهرآ كاملآ زقد استطاع أن يفلت بأعجوبة من الجارية حيث ضحك عليها وقال لهاىسوف أذهب لأزور امراتى وأولادى وحياتك عندى ياجارية سوف أعود..وقد صدقته الجارية تمامآ كما تصدق النساء الرجال فيكون آتى من عند العشيقة ويوهمها بأنه كان فى عشاء عمل؟؟شفتوا الكذب؟؟يكونش الراجل ده كان إخوانى.؟؟الظاهر كدة

نرجع لعروسة البحر،فلقد شاهد العبد لله فى متحف ألأحياء المائية الذى كان يقوم على تصنيفه وإدارته العالم المحترم عبد الفتاح جوهروالذى أظن أنه مازال محترمآ بين ألأموات ومازال يشرح لهم بكل صدق عالم البحار كما كان يطربنا ويشجينا فى اسهابه للبحار وكنوز البحار..رأيت بعنيه اللى هايكلهم الدود بعد عمر طويل طبعآ...لأنى مازلت شاب فى الثمانين.. رأيت عريس البحر محنط وقائم كتمثال بالغردقة فى المتحف..

تقوللى وعرفت إزاى انه عريس وليس عروسة؟؟

أهرش كثيرآ فى رأسى الفارغة ثم أتمطى يمنة ويسرة لأنطق بالجواب وأقولك يامحترم أنا عرفت أنه عريس بس مش هاقولك...خليك على نارك

إذن هذا الجنس موجود فى عالم البحار ومصنف علميا بالتصنيف الثنائى كجنس ونوع وأن الدهشة لاتستولى عليك ولا تسمع من يقول يخلق لكم مالا تعلمون؟؟أرجو ألا يلتقط الحاج زغلول الهنكار الخيط ليتحفنا بصفحة مشتراه من جريدة ألأهرام بالشئ الفلانى ليستهل الحديث بما يتيسر من آى الذكر الحكيم كما يقولون وينزل دش؟؟؟؟؟

ولى سؤال بالمرة للعالم المغوار أبو الزغاليل:منين بتجيب فلوس الصفحة التى تكتب فيها فى جريدة ألأهرام؟؟

أظن أنها غالية جدآ ؟؟يعنى على قد فهمى أنها قد توصل حوالى 250جنيه فيومى.......ا

تصبحوا على الحديدة ...ده لو كان لسة فيه حديدة

تعرف ..أنا زعلان!!

ماتتفلق ياأخى أنا فاضيلك علشان تقوللى أنا زعلان؟؟أأقولك حاجة أنا مش زعلان والله العظيم أنا قرفان

وبعد برهة يستدرك ننوس عينه ليقول لى جملة إخبارية جديدة تحمل بين براثنها تقريرآ مملوء بالصدق على عكس ما كان صديقى متعودآ عليه من كذب وكلام مايصفاش على النص:بينى وبينك أنا مش زعلان لأنى شايف ان كل الناس زعلانة زيى وهذا يعنى أن العدل فى الظلم مساواة فجارى العزيز عبد العزيز عنده فى عين العدو تلاتة من الجيل الصاعد واحد فى أولى ثانوى،التانية فى تانية إعدادى،التالتة فى رابعة إبتدائى..ومش عارف يصرف عليهم.والست قالت كفاية كدة،وكدة رضا رغم أنها تجزم بأن وابور الطحين نازل طحن كل ليلة ولو سابت الشباك مفتوح على البحرى ومفيش مانع ومالو ياخويا أدخل براحتك،ومن سبعة لسبعة ياقلبى لاتحزن..لولا إن فيه ذرة عقل لسة موجودة كانت التلاتة أصبحوا داخلين فى متوالية الله أعلم ياترى متوالية عددية،أم متوالية هندسية؟؟

ودى أسرة مثال لما يعج به المجتمع المصرى من تواكل ويظن أن الرب هو الرزاق ولاتقتلوا أولادكم خشية إملاق،واعقلها وتوكل..وماتخليش الشعوب التانية تقول علينا خسعنا أو جالنا داء الحلل وماعاد عندنا قدرة على الخلفة وأن معدل الخصوبة الذى كان ترتيبنا فيه ألأول...سامعنى ألأول على العالم سوف ينزل كما نزل مستوى الفريق المعروف باسم فريق 6/1؟؟؟

المرض ...آه باسمية مرض..ماهو الفقر مرض..والجهل مرض،وإسم الله عليه بعيد عن السامعين المرض برضه مرض..لكن تقول لمين لازم نكون ألأول على العالم حاجة واختار انت وانت وشطارتك ورشحلنا واحد من التلاتة نكون فيه ألأول بلا منازع على العالم...

فكرت ده مين ده اللى هوه أنا لما لقيت البنات إللى فى كلية من إحدى الكليات اللى بيقولوا عليها كليات عاملين فى نفسهم البدع(جمع بدعة) وعرفت ان الجهل سيد الموقف بدل ما تلم نفسها وتذاكر لها حاجة لأ إزاي لازم تتأنتك على الآخر وياريت تصحصح ويايا وتكون ويايا على الخط ..وانت وحظك ياتكون على خط مصر إسكندرية،أو على خط الصعيد،أو يمكن تكون على خط المناشى،وعلى فكرة التلاته واحد ..الخدمة فيهم متشابهة..آخر منجهه،والنظافة عشرة على عشرة،ودرجة تالتة أصبحت تنافسها درجة أولى فى القذارة وممكن لما يكون معاك مزة تاخد راحتك فى ركن هادى خاصة لما تكون بالليل لسبب بسيط أن القطار لاتوجد به إضاءة ولا دياولو..الناس عايزة تشوف شغلها وانت عامل فيها أبوعلى وعاوز الحكومة تعكنن على الناس والرومانسية تغور فى ستين داهية؟؟ده انت شر 

معناة الكلام ان مصر المحروسة حالها أصبح لايسر عدو ولا حبيب..

ليه يامولانا ده ألأمور ماشية تمام إيه إللى مزعلك تانى؟؟

ينجعص صديقى ويتنحنح مرة ويلوى لسانه فى فمه مرة أخرى وكأنها مارش عسكرى لازم قبل إلقاء السيد محمد مرسى إللى كان مفكر نفسه رئيس بجد وإيه؟؟لكل المصريين...مصريين فى ركبك يا مرسى..مش كان بيقول كده

كنت فى مشوار للقاهرة اللى كانت ساحرة زماااااان..ودخلت الكافيه المحبب لنفسى وهو ألأمريكيين فى ناصية سليمان باشا..طيب وبعدين؟؟

وأنا قاعد باكل سلطانية الجيلاتى اللى بيقولوا عليها كيشووا...وباتفرج على خلق الله من وراء القضبان..قصدى من وراء الزجاج على خلق الله زى ماقلتلك..وإذا بأحد الصبيان الغير محترمين ..تسألنى ليه؟؟أقولك لابس حاجة شكلها لاهوه جلابية،ولا هوة بجمة(بيجامة)؟؟ولا تى شيرت،ولابس زعبوط حتى أنى فكرت أنه أحد فريق العمل ببرنامج البرنامج المأسوف على شبابه هوه وصاحبه...ماعلينا وبعدين؟؟

وإذا بهذا الفسل الذى اجتهدت أن أحل طلاسم هويته ففشلت يحضر فرن منزلى يعمل بالبوتاجاز زائد طبعآ أنبوبة بوتاجاز طبعآ شيئ طبيعى لأن فرن من غير أنبوبة مايبقاش فرن،زى ملوخية من غير تقلية ماتبقاش ملوخية،تمام؟؟

وبعدين؟؟ خلصنى خلصت روحك..قول آمين؟؟؟

بعد كدة إذا بأحد المساعدين يأتى بجوال يعنى (شوال) مليان كيزان درة أخضر؟؟وابتدا المشوار باشعال الفرن وشوى الدرة...فين ياعم الشيخ؟؟

والله العظيم والرب والمسيح الحى أنا شفت النظر ده أمام بياع الجرائد أمام ألأمريكيين فى وسط شارع فؤاد والفرن طالع لهاليب نار منه والولد مستمتع بانه هيكسب قول عشرين جنيه مثلآ..لكن مصر خسرت ياكلب يابن ..أللى مش بنى آدم بتشويهك لمكان كان محترم فى يوم من ألأيام ثم جار عليه الزمن وأصبح مكان لشوى الدرة؟؟

الجهل والفقر والمرض..أصدقاء الشعب المصرى زى زمان ماكانوا يقولوا:

أصدقاء الفلاح..ألهدهد،والعصفور والغراب..وأبو قردان

فهمت حاجة منى يابو قردان؟؟؟باى باى حنكورة وابقى تعالى أنا هناك بس ماتغيبش عليه

وبطبيعة الحال ستجد لسانك يقول :إيه الهم إللى صاحبنا ده استخدمه كموضوع فى مدونته؟؟

والله معاك حق،وأى واحد هيقول كدة....إلا من يفهم ويتفهم أن القصد من هذا ليس خدش الحياء،وأنا على يقين من أنه فيديو عادى منقول من اليوتيوب وهو يعطى تعريفآ للحياة التى قد يحياها فئة من الناس قد تكثر وقد تقل,

بعض الناس ممن يكرهونهم،ولا يطيقون سماع سيرتهم يقولون أنهم فئة هامشية ولا تشكل أدنى أهمية فى المجتمع،فنحن شرقيون بالفطرة ولابد فى معرض حديثه أن يقحم الدين والتعاليم السمحة التى تعلى من شأن ألأنسان وأن ما يحدث لهذه الفئة إنما هو غضب من الله صبه عليهم ليكون هناك عذر ما حين يستقبلهم يوم القيامة ثم يدخلهم النار؟؟

ولى سؤال بسيط جدآ:ألم يكن الرب هو المسئول ألأول فى تكون هذا الصنف من البشر ويعلم تمام العلم بأن تلك الشريحة المهمشة فى المجتمع إنما هى تخضع لعوامل نفسية وعضوية تجعلها تندمج فى هذا المسلك وتمارسه؟؟

ولكل من يقول أن الصداقة بين أنثى وأخرى،أو بين ذكر وآخر هو من ألأمور المستهجنة،أو من الممنوعات،أو من المحظورات لأن الدين يؤثمها،ولأن الدين يجرمها،ولأن الدين يمسك بمطرقته التى لاترحم فيدق أعناق هؤلاء مما يجعلهم كما ترى فى الفيديو يسلكون هذا المسلك الخفى الذى يتوسلون به لإقامة علاقة ما يجنون من ورائها نوع من ألإشباع الذى يضاهى ألإشباع الذى يحدث بين رجل وامرأة،أو بين أنثى وذكر.ا

تتوافق معى فى أنى أدعو تلك الحياة التى يحياها هؤلاء بالحياة فى ألأنفاق أو فى ألأندرجراوند،فهى حياة متخفية خجولة لاتفصح عن نفسها للعامة بل هى للخاصة فقط ممن يقع عليه ألأختيار أو يسبقة توافق وتناغم.ا

ونحن ندفن رؤوسنا فى الرمال حين نقرر بكل قسوة وعنترية أن بلادنا خالية من الجنس الثالث أو المثليين وقد سقط فى بئر الكذب أحد الرؤساء ألأسلاميين الذى قرر بصراحة ووضوح أن بلاده خالية من هذا الوباء(؟) أتعلم أن هذا الرئيس المسلم نهاه دينه عن الكذب والضلال؟؟نعم فالمأسوف على شبابه أحمدى نجاد وهو يتسكع فى أمريكا وأمام صحافة العالم قرر أن بلاده خالية تمامآ من هذا الوباء؟؟ولم يكلف خاطره ولو للحظة أن يفتح إحدى مواقع المثليين العالمية وهى تعج بأبناء جلدته يعلنون عن رغبتهم فى إحداث الشبع الجسدى،وألإرتواء النفسى مع ممن يدينون بالمثلية؟؟

وللسيد نجاد وغيره من الذين يضحكون على أنفسهم :ألم تضمن ألأمم المتحدة فى مؤتمرها ببكين عاصكة الصين (مؤتمر المرأة)أن ألأسرة قد تتعضون من ذكر أو أنثى،ومن أنثى وأنثى،أ, من ذكر وذكر وهى أسرة ذات أركان طبيعية تحشرها فى خضم ألأسر التى يدعون أنها هى ألأبقى وألأنسب للجنس البشرى.ا

وعلى ذكر الجنس البشرى والذى يقابله الجنس الحيوانى نبشر هؤلاء الممتعضين من سلوك نسبة ما من البشر بالسلوك المثلى والذى قد تتجاوز تلك النسبة 4%-5%من مجموع السكان ،أن الحيوان له توجهات مثلية وأشهرها ألكباش التى لاتتحرج أبدآ من أن تمارس الجنس أمام الناس فيلوون شفاههم،أو يقطبون جبينهم ويقولون:معقول خروف وخروف؟؟

وليس الخروف ياخروف هو الذى يستمرئ العلاقة المثلية،بل هناك طائر البطريق والذى قد تعجب به لتقول كم هو جميل الطائر الذى يلبس البدلة الردنجوت ويصطف على الشاطئ ليمارس الجنس المثلى؟؟

رفقآ بمن لاذنب له أن الرب قد جعله مثليآ،أو كما يحلو لمن هم ينتسبون للطبقات الغير مثقفة أن يطلقوا عليهم...الشواذ

وبعد كل ده تقوللى..العيال إللى مش عارف إيه ويا بعضهم دول أسافل الناس،دول حثالة المجتمع؟؟

إرجع لما قاله الوزير السابق ماهر مهران أستاذ أمراض النساء والتوليد ووزير الصحة والسكان والذى أشرف على تنظيم مؤتمر السكان بمدينة نصر حيث قرر أن المثليين الذين تشرف بمقابلتهم يمثلون فئة وشريحة محترمة متقلدة مناصب هامة فى بلادها....ولكن أضيف أن تلك الشريحة فى بلادنا قد طالها ماطالها من الكذب والكره لاتستحقه أو تناله

فهمت أنا عاوز أقول لسعادتك إيه؟؟؟

يله روح ونام وماتفكرش فى الكلام ده...لأنه كلام فرغ*كلام فارغ