القضاء يغير إسمه إلى القضاء والقدر

كنا نعرف إسمه ونناديه بالقضاء ومن كام يوم نشر إعلان أنه قد تغير إسمه إلى القضاء والقدر،والقدر مش بايده لأ ده بيد ناس تانية،وفى حقيقة ألأمر كنا نعتبرة لنا مفخرة،والآن وبعد يومين أصبح بجد وجد مسخرة يتفرج عليها الناس !كنا مفكرينه شامخ فأصبح بقدرة قادر شايخ..وبينى وبينك إللى حصل فضيحة أوعلقة ما يأكلها حمار فى مطلع!!ا

الست حايسة أبو النكا وقعتنا فى مطب وتطاولت على ألأسياد وقالت عليهم كلام يحسسك إن أمريكا دى ناموسة فى إيدينا وشوية بيرسول يقضوا عليها ويفقعوا عنيها آل إيه أمريكا إحنا كشفناها بتلعب فى بيتنا ومن غير إستئذان؟؟،ورئيس الحكومة أمام مجلس المقشات نفش ريشه وقال لن نركع؟؟وبعد كدة إكتشفنا أن أمريكا لعبت فى بيتنا وفى حاجات تانية نتكسف نقول عليها أحسن أمم تانية تغير مننا وتقول لأمريكا  هيه مصر أحسن مننا؟والنبى إلعبيلى زى مالعبتى لمصر هوه إحنا مش قد المقام والا إيه؟؟واتضح أن دولة رئيس الوزارة كان قصده يقول لن نرفع..لن نرفع ،أى حاجة فكر فيها والله يرحمك ياعم نجيب سرور لما قال فى "......" حتى بص مصر تلاقيها "..." رافعة رجليها.....،ماهى العملية سداح مداح،بقى معقول إن مصر أصبحت سداح مداح ينزل فيها طيارات ويمكن بكرة تلاقى رقاصات وبعدة نسوان ماسكين صاجات من بوركينافاسو أو موزمبيق جايين يشيلوا الليلة ويبكونا ومايضحكونا على إللى حصل وراح  ومانقدر عليه غير البكا والنواح؟؟  يرقصوا ويطبلوا على خيبتنا القوية اللى ماوردت على حد؟؟

كل إللى قدرنا عليه برنامج هنا وبرنامج هناك صباح الخير يامصر،والبيت ماهو زى بيتك وأنيل،ومصر اليوم لتوفيق الهمام..يهدد ويوعد لو ماجاتش أمريكا تعتذر ورحمة أبويا لاركب حصان جدى والبس العفريته واطلع أمريكا أخطف أوباما ومعاه البابا والماما بتوعه وآخدهم رهينه ولو ماسمعوش كلامنا أعملهم فطيرة وعجينة؟؟بالذمة ده كلام ناس عاقلين ياعم توفيق العياقة؟؟إبقى قابلنى لو قدرت توصل لشئ ماهو قالولنا زمان..فاقد الشئ لايعطيه وانت مش فاقد شئ،ده أنت فاقد ألأشياء ومخك مغلبك ،نصيحة لله أنا أعرف مدير مستشفى الصحة النفسية بالعباسية..هاكتبلك توصية تروحله يظبطك ويرجعك بنى آدم زيك زى خلق الله..إللى خدوا القلم على قفاهم وساكتين صامدين ألله أكبر كده..فاستقم كما أمرت يابن الكلب انت وهوه..وأخيرآ أقدم لكم العزاء فى اللى حصل لنا ويارب أموت ولا أشوف تانى مصر متبهدلة وطرحتها وقعت من فوق راسها،وأولاد الكلب لعبوا فيها من فوق ومن"......"يااااااااااه ده انتى غاليه عليه وعلى كل مصرى ياااااااااااااااامصـــــــــر