قريبآ على الشاشة فيلم البلهاء بطولة أبو مقشة والعورة مراته

 

 
عندى صداع وساعات تتحل المشكلة فى 1/2ساعة رغم أنى بحكم المهنة أعرف أن للصداع أسباب كتير،ممكن تتحل عن طريق تدخل بسيط بقرص أو أمبول وفى الحالة دى لايتكلف المريض سوى شئ بسيط ،النهاردة جانى صداع..أنا من النوع الذى لايحب تعاطى الدواء عمال على بطال..يعنى بعكس الناس التى تهوى أو تغوى بلبعة الدواء ويقولك ده أنا ماشى وفى جيبى حباية الكيتوفان؟؟أو يقولك ماقدرش مايكونش فى بيتى خزين من فيتامين النيوروفيت..أصله بيريحنى ولما آخد حباية الصبح أكون زى الحصان؟؟طبعآ رزق الهبل على المجانين..الصيدلى له حساب الصندوق آخر اليوم..ولم يضرب الزبون على إيده أو يجبره على شراء شئ..أللهم إذا طلب منه حل مشكلة أو شرح أعراض تقع فى دائرة الممكن أو المسموح لنا بما يعرف بأدوية 

"OTC"

أنا على علاقة وثيقة بفنجان القهوة،ومن فترة ليست بالوجيزة تسربت ألأبحاث التى تضع على صدر فنجان القهوة وسام الشرف،أو تمحو عنه نيشان القرف فلقد ثبت تدخلها فى الوقاية من بعض البلاوى التى أصابتنا مثل الداء السكرى،وحدوث بعض ألأمراض السرطانية  ولكن المؤسف أن التعامل مع حبة البن ذات اللون ألأخضر يجب أن يتم بما يعرف بفن وحرفنة،أى خبرة وممارسة لأنه قد أكتشف أحد ألأحماض العضوية وإسمه "حمض الكلوروجينيك"هو المسئول عن الفوائد المكتشفة لحبة البن،ويتأثر هذا الحمض بالحرارة ،وعليه فالتعامل مع حبة البن يجب أن يكون بفن وإلا تفقد الفايدة والعايدة من فنجان القهوة!ا

مش ده الموضوع..فيه عادات معينة تتكرر فى حياتنا اليومية..منها أنى أشرب فنجان القهوة مع قطعة شيكولاتة،وإذا لم يكن بالجيب فكة لشراء الشيكولاتة فلا أحس بأنى قد شربت قهوة أو أن مزاجى قد انعدل أو طلعت فوق السحاب،يعنى عملت الدماغ إللى هيه..والحمد لله طرق عمل الدماغ كتير،وسهلة على ألأقل بالنسبة لنا لكن قدرت ألعب على "الشيطان"ولم أجرب إحداها..تفتكر دى خيابة منى؟؟

ومع فنجان القهوة والشيكولاتة..معلهش إستحملنى ..لازم أتصفح الجريدة..أو الجرنال..أو الصحيفة اليومية..أتفرج على أخبار بلدنا..وأحوالها..وأخبارها وأحوالها زى البورصة يوم طالع وعشرة نازل والأسباب معروفة لكل واحد فينا لكننا مدكنين ومش راضيين نقول أحسن بابا يزعل وتجيله عقدة نفساوية ونكون إحنا السبب،لأ وألف لأ إحنا نروح فى ستين ألف داهية وبابا مايجيلوش عقدة ولا شنيطة..ده بابا إللى وده البلد فى داهية..وبعلمه !!ا

النهاردة كان فيه خبر كنت مستنيه من زمان..خير اللهم اجعله خير..ياترى كيلو القوطة نزل سعره ؟؟هل ال100جرام لحمة اللى متعود أشتريهم من البيه الجزار الحرامى كل أسبوع صدر فرمان بمنحهم للعبد لله ببلاش ولا هيضافوا على البطاقة التموينية؟؟

لاكده ولاكده..الموضوع اللى عرفته أن أبو العساكر أو أحد أعضاء حزب المقشات أعلن وبكل حسم وحزم أنه سيبدأ فى إعداد قانون يمنع المواقع الجنسية..سيادته يبدو أنه قد قام بدعك المقشة جيدآ فنطت الفكرة فى دماغه وقرر أن يمنع أى شئ مقروء،أو مسموع،أو مرئى فى السينما"أو آلة الكفر"،أو على النت التى فيما بعد من الممكن أن تكون تحت السيطرة من ألآلة الجهنمية التى يديرها حزب التـــور أو حزب القدرية والسفالة ولن يسمح بعد اليوم بانتاج أفلام قلة أدب أو فيلم فيه حد بيبوس واحدة..طيب لو واحد كان جاى من السفر وقابله واحد وسلم عليه وأخده بالحضن وباسه من هنا ومن هنا؟؟ياترى إزاى الحال..برضه ده يعتبر قلة أدب؟؟بركاتك يابو العساكروبركاتك ياسيدنا أبو مقشة.ا

وكان أحد الصحفيين الخبثاء واقفآ أثناء إدلاء سيادته بالحديث إللى مالوش لازمةفسأله بخبث ومن تحت الضرس سؤال:هل ستقومون بتحريم الشغل فى السينما من باب أنها حرام *حرام؟؟

فضحك أبومقشة وقال إحنا أعضاء حزب التور يعنى مخنا مفتح وبنفهمها وهيه طايرة..السينما مش أفلام قذرة زى أفلام الولد الهجاص إللى إسمه عادل سخام  يصورنا إرهابيين وبدقون مخبيين وراها مسدسات وسكاكين وبنقتل فى خلق الله؟؟إحنا أيوه بنقتل لكن بنقتل الكفرة وأللى مايؤمنوش بنبينا أو بدينا الحنيف..يعنى من ألآخر وماتغلبنيش السياح الخواجات اللى بيقولوا الله تلاته..دول لازم يبادوا من على وجه ألأرض زى مارسولنا الكريم نبى الرحمة أباد بنى قريظة..دول ناس مالهومش لازمه ولافايدة ولاعايدة..كمان تجار الدهب اللى بالى بالك فلوسهم دى بتاعتنا ومن حقنا..

فسأله الصحفى الخبيث سؤال:

طيب والفلوس دى هاتعملوا بيها إيه ياأبو العساكر خمارويه؟؟

فقال سيادته وهو يعبث بمقشته..ياإبنى سنوجهها لإنتاج أفلام سينيمائية حتى لايقول الشعب أننا حرمناه من الخيالة..

انتوا ماشفتوش فيلم الخنساء،ولا ظهور ألإسلام،ولا فجر ألإسلام؟؟

فقاطعه الصحفى قائلآ:لكن ياسيادة أبو العساكر ألأفلام دى يتعدوا على الصوابع يعنى مافيش غيرهم كل مولد نبى أو إسراء ومعراج أو سنة هجرية لازم نشوفها غصب عننا وإذا كان عاجبكم ياولاد الك......لغاية ماحفضناها عن ظهر قلب ا

فضحك أبو مقشة حتى استلقى على قفاه وقال:يابنى نحن سوف نهرش دماغنا ونحك مقشاتنا وسوف ننتج فيلم الخنساء،وهى تلقى الشعر على خير البرية،أو ننتج فيلم البلهاء وهى تقضى حاجتها فى الخلاء والكفار بيحدفوها بالطوب..لذلك سيعرف الناس الحكمة من وراء الحجاب ومشروعية النقاب..إفهموا يابجر الدين سمح ولا غلو فيه؟؟

ثم تمطى سيادته ثم تجشأ بصوت كصوت الحمار حين يريد أن يقضى حاجته قائلآ:ماتنسوش تقولوا إن الواد إللى إسمه عادل سخام  وأمثاله لم يعد لهم بيننا مكان وإذا كانوا عايزين يشتغلوا سيما فالشغل على قفا من يشيل..ممكن يمثلوا فيلم عن أبو جهل..أو زوجات الرسول بشرط ألا تظهر مرة واحدة فى الفيلم لآن المرأة عورة وإذالزم ألأمر تغطى بفوطة أو بطانية أو حتى ملاية محلاوى..لعلمكم ألأفكار كتير ونحن قادرون بعون الله أن نقلب عاليها واطيها..

الحمد لله الذى جعل لنا ...مش عارف إيه دينا وبرحمته وهداه سبيلآ بس فين اللى يفهم

ميرسى ياشيخ مقشة..ياأبو العساكر خمارويه ومتنساش تروح لمرتك ومعاك ملاية محلاوى علشان تغطيها وهيه نايمة على السرير