كنت نايم وراسى مكشوفة(مشيها راسى بلاش التانية) (1)

بطبيعة الحال فى ليالى الصيف لانطيق أن نغطى أنفسنا عند النوم،إلا القليل الذى يكون مخالفآ للعادة،وفى ليلة من ليالى شهر أيلول جاءنى أثناء نومى حلم غريب ،فقد رجعت إلى الوراء ستين سنة لأكون طالبآ فى كلية الحقوق..وقد ساءنا ماحدث من إخوان الشياطين فقررنا نحن الشباب الوطنى أن نعقد جلسة محاكمة لإخوان السوء الملقبين بالأخوان المسلمين.

انعقدت الجلسة وتلى ألأدعاء عريضة الدعوى بحق الراس الكبيرة والذى كان يشغل منصب رئيس جمهورية مصر العربية وذلك بعد إنتخابات قيل حولها الكثير من صحة أو بطلان تزوير أو تغيير..ولكن النتيجة كانت تصعيد المرشح الذى قيل وقتها أنه قد حصل على نسبة ضئيلة تفوق الخمسين بالمائة من مجموع ألأصوات..ثم نودى على المتهم:

*إسمك وعنوانك

*محمد عيسى العياط ..التجمع الخامس فى القاهرة،وعندى دروة فى الشرجية باخد الست والولاد نقضى فيها.......

*إنت هاتحكيلنا السيرة الذاتية لجنابك..ألأجابة على قد السؤال ...مفهوم

*كنت بتشتعل إيه؟؟

*أنا كنت باشتغل ميس...ههههه  (من الحضور)

*يعنى إيه ميس يامتهم..وضح وبلاش ألغاز

*أنا ياسيادة المستشار جابونى من الدار للنار

يقاطعه القاضى ويسأله

*بتقول جابونى..مين دول إللى جابوك؟؟

*هيئة مكتب الجماعة الذى أشرف بالأنتماء لها

*إسمها إيه الجماعة دى؟؟

*إسمها يافندم جماعة ألأخوان المسلمون وقد أسسها الراحل العظيم حسن الساعاتى بقصد النهوض بالدعوة ألأسلامية

*ومن كان يرأس المكتب الذى دفع بك لتكون رئيسآ للجمهورية؟؟

*والله يافندم ..يعنى قصدى أقول..أصل..

*قول وخلصنا..إنت نسيت ولا إيه؟؟

أصل يافندم حتى رئيس مكتب ألأرشاد كان ميس زى حالاتى..ماكانش لنا كلمة ولا كنا نعرف الطين من العجين...(قهقه من الحضور)

*أمال كانت كنية المكتب ده إيه؟؟

*المكتب ياسيادة المستشار كان بيحركه بصباع رجله الشمال واحد مشمهندس ..منه لله غرقنا وخلانا ننام على البرش فى آره ميدان ونتنطط من السجن ده للسجن ده

*إسمه إيه المشمهندس إللى بتقول عليه ..إحكيلنا عنه شوية

*أحكيلك يافندم..بس والله العظيم أنا مظلوم..وهوه إللى كان بايده كل حاجة..ربنا ينتقم منه ،أقول لسعادتك حاجة..

*قول..ده الظاهر هنسمع قصة أبوزيد الهلالى..كلاكيت ميت مرة..قول ياسيدى..ياسيادة الميس 

*الراجل ده كان باشارة منه كان ممكن يطلب أى واحد فينا ينزل سوق باب اللوق يشتريله فخدة لحمة،وخضار مشكل،وبط،وفراخ وفاكهة..أصله أكول جدآ يافندم..والراجل ده عدانى وجابلى السكر لدرجة أنى باعملها على روحى وأنا نايم يافندم..إهئ إهئ إهئ

*بس يامتهم ساد ...ساد ياعين أمك بتحصل فى أحسن العائلات..بس قوللى كنت بتصحى من النوم تستحمى ولا كنت بتروح الشغل ولامؤاخذة..

*والله يافندم ساعات وساعات..لما كان المشمهندس يطلبنى وأكون لسة ماستحمتش..كنت أنزل على مله وشى وأبقة مستعجل علشان أوصل وأقابله..أصله صعب جدآ يافندم..أقول لسيادتك حاجة بينى وبينك

*قول ياترى هاتقولى على سر القنبلة النووية؟؟!!

*مرة أتأخرت عليه بصلى بربع عين وقاللى:كنت فين يامنيل؟؟كنت بتغسل الهدوم لمراتك؟؟جتك البلاوى..كنتوا جايين حافيين لبسناكوا جزم إيطالى الجزمة تمنها يشترى تلاتة من أمثالكوا..وسكناكوا فى الأماكن الهاى لايف..بعد ماكنتوا بتناموا فى الدروة مع بهايم زيكوا..يله إنجر شوف شغلك

تصور يافندم..صعب صعب خالص لكن أعمل إيه أكل العيش مر

*والراجل ده إيه إللى خلاه الكوماندة بتاعكوا ؟؟

*ياسيادة المستشار..الحياة صعبة والراجل ده فاتح محلات ودكاكين جبنة وزيتون وبسطرمة معفنة وأهى أرزاق الفلوس بتجرى تحت رجليه ماتعرفش منين..فعلآ زى مابيقولوا يافندم..رزقه فى رجليه

لازم نطاطى ونسمع كلامه وإلا يقطع عنها ألأبيج 

*ألأبيج؟؟فيه رئيس دولة يقول ألأبيج؟؟

*رئيس إيه يافندم أنا قلتلك كنت ميس..

*أيوة أنا فاكر إنك قلتها الكلمة دى..لكن بذمتك لسه فاكر أيام ماكنت بتلعب الكورة بالميس فى الغيط إللى فى بلدكوا؟؟

*أمال يافندم ده أنا ماتعلمتش ألا بالعافية ..أصل أبويا كان مزارع بسيط وخد أيام الراجل عبد الناصر ربنا يجحمه ولا يرجعه خمس فدادين

يقاطعه القاضى

*بقى ياراجل ياناكر الجميل يديكوا خمس فدادين وتشتمه؟؟ده جزاؤه؟؟؟

*بافندم قانون الجماعة يلزم العضو بشتم عبد الناصر بالرغم من أن خيره فوق دماغنا لكن دى أوامر الجماعة ولازم ننفذها

*يعنى حتى لو كانت ألأوامر دى ضد المنطق والقانون؟؟

*أيوه يافندم أصل عندنا حاجة إسمها السمع والطاعة..يعنى لو البيه المرشد...

يقاطعه القاضى ويتساءل:

*مرشد؟؟همه مرشدين الداخلية بيشتغلوا عنكوا أوفر تايم بعد شغلهم فى الداخلية؟؟

*لأ يافندم المرشد ده هوه إللى بصباع من إيده اليمين يمشى الكون ولازم نقوله تمام يافندم....أنا..أنا..أنا..

*إنت إيه قول

*أنا فى الحقيقة كنت باستلم البوستة كل يوم من سيادة المرشد وفيها ألأوامر إللى سيادته والمشمهندس بيباصوها ليه

*يباصوها..الله يخرب بيت إللى عملك رئيس..ده أنت رئيس كفته..مش رئيس دولة..الظاهر ألقعدة هاتحلو وهانسمع درر 

رفعت الجلسة على أن تعقد غدآ 

                                        محكمـــــــــــــــــــــــــــــة