زمن ألأخوان الكاذبون إللى بيلتصقوا فى أمريكا والأمريكان

بيقولوا اللى تغلبه إلعبه...مثل مصراوى -مع ألإعتذار لمصراوى أفندى-ويتحدث عن الواد الشاطر -مع ألإعتذار برضه للشاطر-اللى يقدر يسرق الكحل من العين ويمشى أموره وفى الآخر يطلع كسبان كسبان...طيب ولزومه إيه الرغى والقيل والقال؟؟ماتقول اللى انت عاوز تقوله وتخلصنا..ا

 

الحكاية ببساطة ان الشعب المصرى وقع فى وسط ناس بيلعبوا بالبيضة والحجر..لما كنا فى الهوجة ألإنتخابية كل اللى كان عنده كلمة قالها:محمد مرسي ده راجل ولا كل الرجال؟علم ودين وشهامة كمان، أما العلم فيعتبره ألأنصار من خيرة علماء العالم؟؟سيبك من زويل والنشائى وحطهم على جنب ...ده راجل جامع بين العلم والدين يعنى عالم بتاع ربنا أما الناس التانية فدول عايشين وسط الشياطين فى بلاد الكفرة ومآلهم فى النار وبئس القرار؟؟طيب ازاى ماتقول يافصيح

قال الفصيح لافض فوه:إنت ماتعرفش يامتخلف إن ألأستاذ الدكتور محمد مرسى كان يتبوأ أكبر المراكز العلمية؟؟ده كان بيشتغل فى وكالة ناسا..قصدى ناس ناسا اللى بتسفر الناس للقمر ومحطات تانية زى المريخ ومحطة سوق الفسيخ والزهرة والزهرية  وبلاد تركب ألأفيال؟؟أمال ده انتو نايمين فى العسل إنتو مابتقدروش الناس الكمل،وعلى رأى المثل...لاكرامة لنبى بين بنى قومه...يالهوى ألأستاذ كان عامل عقد لكن لم يكن عقد فى بلاد الخليج  لأ ده كان عقده يشتغل فى وكالة البلح؟؟قصدى وكالة البلح ألأمريكية..ىاااااه دى حاجة جامدة جدآ..وبعد الهوجة أصدرت وكالة ناسا ألأمريكية بيان قالت فيه:

ياكوركات اللى بيشتغل فى وكالة ناسا لازم يكون أمريكانى يعنى بياكل تفاح جولدن من بز أمه مش مسقى عسل نحل من ترعة الزمر اللى حدانا فى الهرم؟؟

يعنى إيه الكلام ده؟؟يعنى ببساطة الناس دى كانت بتضحك علينا وده كان لزوم التلميع ياكوركات ..الحكاية ومافيها ان الظاهر فعلآ اللى تغلبه تلعبه ولو قالك حد على الملوخية سيمون فيميه وهاديك خمسة جنيه قوله آه وكمان آه ده سيمون فيمية إنت خسران حاجة؟؟
وفى نهاية الحدوتة فاجأتنا المدعوة ألولايت ألأمريكية بأن ناسا لايلعب بها غير ألأمريكان يعنى جنسيته ولامؤاخذة أمريكية،يعنى لو كان المأسوف على شبابه المدعو حازم أبوسماعين هوه إللى قال إنه كان بيشتغل فى وكالة ناسا كان ممكن نصدق لأنه والماما بيحملو الجنسية ألأمريكية؟؟
ياجماعة دين ألأخوان الكذب،ولى الحقائق بما يتفق وأهواءهم،ومصالحهم ويتبعون المثل الذى يقول:أنا والطوفان من بعدى..ولايهمهم ألآخر فهو كم مهمل بالنسبة لهم وطز فى مصر كما قال كبيرهم يومآ والذى أضاف أن عصر ألأخوان لم يأت بعد ..يعنى إفهموا ياجزم..ياكاوركات لما البلد تتأخون كلها وكل راجل يعلق مقشة فى دقنه،وكل حرمة تلبس الملس وتخبى اللى ما لابد أن يتغطى وتمشى مثل الصندوق ألأسود تبقى دى أيام ألأخوان......السودة....المهببه....المطينة بطين
وبرضه سلملى على المترو