على عينك ياتاجر ستريبتيز...بمالا يخالف شرع الله

يا أحباب...نظرآ لحالة الغم وركوبنا الهم فى تلك ألأيام العصيبة فقد قررنا أن نستعرض لكم إن شاء الله وعلى بركة الله عرضآ ترفيهيآ وهو نوع من اللهو يسميه الكفرة  ولامؤاخذه ستريبتيز..وذلك سيكون بما لايخالف شرع الله وقد استخرناه ودعوناه من قبل ومن بعد ألا نكون مخطئين فى خيارنا وبررنا ذلك بأننا قد سقينا الناس من كعانها المر وشبعناهم نكد وخلينا الواحد منهم ماشى ولامؤاخذه يهر فلا أقل من أن نرفه عنهم بالإستربتيز وذلك إنشاء الله على سينما ومسرح ألإتحادية .نرجو الحضور للأهمية،واللى مش هيحضر ذنبه على أبو جلمبو...ا

إنتهى البيان الذى خرج علينا به المتحدث الغير رسمى للجماعة المصونة والجوهرة المكنونة والتى مازال إسمها فى صحيفة سوابقها الجماعة المحظورة بالرغم من العمل فى العلن وممارسة النكد وتحضيرلخلق الله الكفن وتوزيع أقراص تجلب الحكة الجلدية وأمراض الحساسية كى يتعلموا ألأدب ويبطلوا يتجرؤا على أسيادهم ويقولوا مش عارف إيه...يسقط يسقط حكم أبورجل مسلوخة وباطل وماباطلش. وارحل وماترحلش؟؟إللى ماحد فيهم قال خليك والنبى علشان خاطرنا؟؟.وحاجات زى كدة..إنتوا يابجر مش عارفين إننا أسيادكوا وتيجان راسكوا؟؟

وقد كانت المرة ألأولى وأظنها ستكون أيضآ ألأخيرة التى تصدق الجماعة إياها فى كلامها حيث فى الموعد المحدد وأظنه كان واحد فبراير حيث استعدت العصابة بكامل جبابرتها لتؤدى العرض ألإسترابيتيزى الموعود وقد اختارت واد مفعص إسمه حمادة واد صعيدى معمص (من العماص اللى كلنا عارفينه)ليخلعوا له السبع غلالات واحد ورا التانى وبين كل واحد والتانى يتحفوننا بعدة ركلات جزاء تقولش بوشكاش فى زمانه أو محمد أبوتريكة؟؟

العرض كان مشوق ومثير وقد كان المسرح ممتلئآ بالصبية والفرافير وكانت التذاكر تباع فى السوق السودة،وذلك لأنها تعرض فى ألأيام السودة ومفيش إلا كدة..عاجبك ولا مش عاجبك؟؟؟الراجل فى يوم 2من فبراير طلع فى التليفزيون وقال لافض فوه:ا

ياعالم ياهبله،إنتوا دخل عليكوا ان ركلات الجزاء اللى استويت منها دى كانت حقيقية؟؟دى كانت كدة وكدة..كدة ألأولانية كنت متفق ويا النبابيت إنى هاضرب لغاية مااشبع ضرب وذلك مقابل شقة فى هليوبوليس (معلهش أصل ثقافته صعيدى)ومايعرفش يقول مصر الجديدة...وكدة التانية إنى متفق مع الفضائيات إنى أطلع على الهوا وأقول إن العفاريت الزرق ماضربونيش ولا ماهاننونيش وأقول إن مصر بخير،وألأمن مستتب ونشكر مدير المسرح ونشكر الردالة اللى مثلوا معايا وبالمرة نشكر مدير ألأمن على التضحيات العظيمة اللى قام بها هوه وردالته

هكذا كانت الوصلة الترفيهية التى أستمتع بها الصغير قبل الكبير والبيه قبل الغفير ؟؟؟؟وآآآآآآآآآآآه يابلد