لازمأقول لك ولصاحبى وصاحبتى وأخويا المسلم وأبويا وأمى اللذان من المحتمل أنهما يحسان بما نحن فيه من عرس ديموقراطى إستجاب الشعب وواقف ألآن طوابير طويله لانتظار الدور حتى يقول نعم نعم نعم...إلى مالانهاية..نعم يامصرى سوف نبنى بلدنا..نعم سوف يزيد المخصص للبحث العلمى..نعم سوف يكون معاش للمرأة المعيلة ونعم لمصر لأمى حبيبتى..والله باحبك والله باتمنى منك إبتسامة ياما شفتها على شفايفك..راحت فين ياأمى؟؟ليه مكشرة ومش راضية ده إحنا كلنا ننام تحت رجليكى بس انتى تكونى راضية علينا..
عارف إن لون الدم مزعج لأحاسيسك المرهفه..وعارف إن صوت الرصاص بيهيج أعصابك ..وعارف إنك بتندمى على 365 يوم راحوا من عمرنا...لأ ياربى دول عجزونا وشيبونا وانسرق بيتنا من شلة حرامية..والله ياأمى عارف لكن فى مصر رجاله فى بحرى،وردالة فى جبلى،ورجال أعمال فى المهجر بره بجسمهم لكن وياكى بقلوبهم ومستعدين لإشارة منك...فهمتينى ياأمى؟؟
دعوة من دعواتك ترجع لنا إبتسامة رفرفت بعيد عن شفايفنا..لكن هترجع لما بعد 72ساعة تعلن نتيجة إستفتاء دستور مصـــــــــــــــــــــــــــــــر 2013
سلام يامصر وتحيا مصر..تحيا مصر..تحيا مصر
ياناس ياهوه والله كنا بنقول الكلام ده فى سنة 1947 ووياه عاش ملك مصر والسودان؟؟؟يروح السودان..لكن تبقى مصر
No comments:
Post a Comment