ممكن ياترى أسأل سؤال؟؟هل الجوقة المعينة والمدسوسة على قطاع الصحافة القومية تصنف تحت مسمى سحرة فرعون؟؟
أكون غبى ومتخلف لو أسأل السؤال ده لأن بطبيعة الحال أن يستقدم أقطاب الجماعة المحظورة أو مكتب المرشدين ولامؤاخذه بقيادة الهر بديع الزمان الهمزانى صحفيين تحت الطلب عن طريق مقاول الصحفيين ولى الله ليكونوا الهز ماسنر فويس للجماعة المحظورة..أو المعذورة..فلافرق بينهما فالحظر صنو العذر ولايخفى عليك ذلك ...ا
أخزنة الدولة بدأت على قدم وساق ففى النقابات تجد إخوان..وفى مجلس ألأكل السابق كانوا إخوان ،وفى اللجنة التأسيسية إخوان..بينى وبينك أنا مضطر أن أكتب على بيت جارى ألإخوانجى بالفنط الكبير ..هنا بيت اللوح..أو بيت ألإخوان فلا فرق بينهما فالإخوان ألواح متصلبة لاحس ولاإحساس تشتمه يبتسم ويقولك الله يسامحك،تضربه على قفاه يقولك كمان ؟؟؟ياأخوانجى حس على دمك ولاتكن كأسلافك متبعآ التقية فتلحس كلامك بعد أن تقوله أو حتى قبل أن تقوله؟؟؟
وتسألنى ومن حقك السؤال:ليه إنت كده مظرظر من اللى مايسموش..أو المسمين جماعة اللى مش إخوان؟؟
الجواب بسيط ياسيدى الجماعة دى تجارة ولكنها مش شطارة فهم يتاجرون بدينهم ويضمرون مالا يظهرون..والدليل أنهم قبلوا من الفيل أبو شنب القرض إياه..بفايدة 1%؟؟؟؟علمآ أن الربا فى دينهم حرام..شوف إزاى ياأخى؟؟
بكرة الواد الشاطر يحللها لك ويقولك ده مش ربا ده رباية من الفيل أبو زلومة أو درس بيعلمنا فيه إزاى نزيد من أموالنا ونربيها بالحلال..لأن القرض من أخ لأخيه مش ربا حتى لو كان بفايدة..ده إحنا إخوات ياجدع..إنت محبكها كده ليه..الدين يسر وليس عسر..وبارك الله لمن اشترى سهلآ وباع سهلآ؟؟
صلى على رسول الله..وكل من له نبى يصلى عليه..وابقى قابلنى فى الجنة ونعيمها
No comments:
Post a Comment