بكرة 24 بكرة هاينزل الملايين..لا لآ لحكم المرشد والفيل إللى من غير زلومة

هقابله بكرة ..غنيوة شدت بها الراحلة العظيمة،وعفوآ باسلفيين،ودستور ياإخوانيين إذا مجدت الست ،أو عظمت إمرأة فأنتم تنفرون ممن يفعل هذا وتصفونه بالرجل المخنث الذى يقبل على نفسه أن يحترم إمرأة؟؟فالمرأة مكانها فى الركن ألأيسر من القطاع ألأوسط لإخمص القدم،وكيف تحترمها يارجل؟؟ألم يأذن لك رب العباد أن تضربها؟؟وقد أصبح منظركم عرة جدآ،عرة يعنى مقذع ومقذع يعنى بلاقافية وسخ ومتهرئ..فأصبحتم تتنصلون من تلك ألآية التى حضتكم على ضرب النساء وأصبحتم تقولون..نحن لانقصد الضرب ولكن معنى ألآية أن نمسك بيد الزوجة ونضربها بقلم رصاص وألا يكون سنه مبرى كى لاتقع الفاس فى الراس ويخرم السن اليد إللى زى الزبدة أو الخد إللى زى القشطة؟؟هذا الكلام قاله الشيخ جمال قطب، قطب ألأزهر الشريف...وليس من عندياتى لأنه لو كان من عندياتى فالدين النصيحة وسأقول بالفم المليان إضربوهم لغاية مايسخسخوا ويقولوا كفاية إحنا فى عرضكوا..إحنا خدامينكوا..إحنا إللى قلنا إحنا مخلوقين من ضلع أعوج من القفص الصدرى للسيد آدم ؟؟لا لا نحن كنا خنازير وقرود

مش ده حديثنا ولا قصدنا،المهم هاتنزل بكرة ولا هاتنزل؟؟عندك إختيارين ياتنزل ياتنزل..واختار إللى إنت عاوزه..منتهى الديموكراطية..وأظن ماعندك إعتراض ولو إعترضت تكون قد أغضبت الشيطان الذى يمشى وراءه إللى مايتسموا واللى كاتبين على جباههم وخدودهم آل إيه:إحنا علمانيين..إحنا ديموقراطيين؟؟

يابنى إنت وهوه مافى شئ إسمه ديموكراتيه،ولا حاجة إسمها علمانية دى كلها مسميات شيطانية إبتدعها قوم كفروا بالله،ورسوله،والصحابة،والسلف الصالح لذلك سيؤيدهم شعب لايؤمن بحكم المرشد،أقصد مرشد المباحث الذى يعلم على أى واحد ويدخله السجن..هوه ده المرشد الذى بجبروته يحكم شعب قام بثورة على نظام الفرد أو نظام الفرعون فاستبدله إخوان الشياطيين بحكم الشيخون المرشد الجليل الذى لاتقع كلمته ألأرض..فهو مسموع مطاع لأن كلامه من كلام الرب وحرام نزعل ربنا...ياويلكوا ياسواد ليلكوا لو نزلتوا بكرة 24منه علشان تقولوا لا..لا..لحكم المرشد؟؟لا..لا لحكم الشاطر..الواد بلية إللى عامل السكة معدية وكل يوم والتانى يجرى يبوس ألأيادى ويقعد أدام الفيل أبو زلومة كما الفيل بس بدون زلومة ويمكن من غير أندر..جاتكوا البلاوى..