ألو..ألو هنا محطة الحرية والندالة..جاءنا الخبر التالى

حاجة تجنن ياجدع؟؟فيه ناس بيسموا نفسيهم المثقفين،وأهل الفكر،والأدباء،والمبدعين ....كلام كبير أنا مافهموش وده بسبب أن مخى على قده،يعنى بالعربى ومن ألآخر متخلف عقليآ،وهذا لاأعتبرة عيبآ البتة،فهذا هو المطلوب فى مثل هذا الزمان..أو زمن ألإخوان..مع ألإعتذار للسيد مرشد المباحث السابق بديع الزمان الهمزانى ..طبعة القرن ألواحد والعشرين حين قال إن هذا لايس زمن ألأخوان،فزمن ألإخوان لم يأتى بعد؟؟طيب وإمتى ياسيادة بديع هيأتى زمن ألإخوان فقال عمه بديع فض فوه:حينما يستولى ألإخوان على كل حاجة فى مصر ويعروها ويلبسوها النقاب،ساعتها نقول هيه دى مصر المنقبة،أو مصر المهببه؟؟؟  وليس على حد علمى أو معلوماتى التى أتذكرها وقت أن كنت فى ألإعدادية أن بديع الزمان الهمزانى كان كاتب كبير ،يعنى زيه زى الجوقة اللى عاملة ناصحة وعاملة زيطة وهليلة ولمين نفسهم ومعطلين المرور وهوة متعطل خلقة فى ميدان سليمان آل إيه بيقولوا :ا

لا لدولة المرشدلا لحكم ألإخوان

دول ناس غلاويين وحاقدين على الناس اللى الرب إختارهم لنهضة مصر ،وكان من حسن حظك يامصر إن واحد شاطر كان من نصيبك يحكمك ولا يتحكم فيكى،هوه بيتحكم فى مواردك وكنوزك فقط ويهديها للفيل أبو زلومة الذى يقبع فى سقر..أقصد فى قطر الدويلة التى يضرب تاريخها فى القدم فعمرها المديد لايتجاوز الخمسين سنة ولم يكن لها ماضى،وليس لها حاضر ولن يكون لها مستقبل ،أما مصر فهى محروسة حيالله تاريخها سبعة آلاف سنة علشان كدة قطر عاوزة تتحكم وتحكم مصر؟؟؟شفت الخيبة ألقوية؟؟

فيه مثل بلدى فى مصر وفى الصعيد بالذات بيقول:

ألأنصاص قامت،والقوالب نامت؟؟

تعرف تفهمنى يعنى إيه،أو معناة الكلام إيه؟؟

يلا باى