النهاردة  طليت على الدلوعة بتاعتى واللى تفتق مخى عن تسميتها كلام فارغ؟؟ليه كلام فارغ؟؟يمكن لأن كلام الكبير والصغير أصبح فارغ،وملوش طعم،ولا يملى عين الناس؟؟؟

وسألت نفسى وهوه كلام الناس زمان كان كلام مليان؟؟

أقولك آه كان مليان ومحترم،ولما كان واحد يقول كلمة على نفسة يحترمها ويشبهوها بحد السيف يعنى قاطغة مانعة جامعة...يعنى تستحملنى لما أحكيلك على موقف حصل أمام عينى رأسى بين المقدس إللى هوه أبويا...وبين راجل كان تاجر غقارات يشترى ويبيع وكانوا يقولوا عليه بيقلب حاله ،المقدس باع له عقار باربع آلاف جنية مصرى ماركة أبوالهول...ولم يكتب العقد ألإبتدائى ولكنها كانت كلمة شرف أو بلغة أهل البيزينيس إتفاق جنتلمان...بين يوم وليلة عرض تاجر ستة آلاف جنية على  المقدس كى يتنازل له عن حيازة المنزل...ا

لم يرض المقدس أن يرجع فى ألإتفاق بل قال :أنا مش هارجع فى كلمتى...أبوحسين قلتله كلمة،لآزم أطلع راجل وياه؟؟

ودماغى تودى وتجيب وعقلى ياخد ويدى لما أشوف وياريتنى ماباشوف الجماعة إياها إللى مفكرة إن الدنيا زهزهت لها وأن كله من ده على طول وأن الدنيا عسل على طول،مابتعرف أن الدنيا مثل الخيار..فقد يشترى الخيار بسلامة نية للأكل أو لعمل طبق من السلاطة..وفجأة تجد زيد من الناس تزوغ الخياره فى عينه وبدلآ من أكلها بالطريق الطبيعى يأكلها بطريقة 4 2 4 وهى طريقة بينى وبينك مش ولابد،لأنها تجعل من يستعملها مدمنآ للخيار ولو ندر أو قل الخيار أو امتنع من السوق تبقى سنة سودة ويجد نفسه مجبرآ على شراء واحدة الخيار بسعر الكيلو ؟؟؟وبكدة تحصل أزمة إسمها أزمة ألإستخدام البديل للخيار الجميل؟؟

الجماعة لاتعرف أنها فى يوم من ألأيام سوف تشترى كل خيار السوق عله يشفى غليلها ويمنحها الصبر والسلوان!!ا

يوم 24 آب القادم سنرى كلمة الناس على كلام الناس اللى مالهومش أساس؟؟

قالوا هنخلى مصر دى جنة..وسمعنا إنهم باعوا الجنة للفيل أبو زلومة..

قالوا وهذا كلام الحاج الكبير..مصر هتتقلب على الوش التانى..الوش النضيف خلال 100يوم..والسبت فات..والحد فات..وبعد بكرة يوم التلات؟؟ميعاد حبيبى ..ميعاد حبيبى ألله يرحمك ياطلب ياملك الموال..ورئيس جمهورية السلطنة والمزاج العال العال

أقابلك أمس