سقراط الراجل الخيخة ...من تانى

من زمان قول كدة من 5 آلاف..قول 7 آلاف سنة وفى بلاد ألإغريق لم يكن الشحط منهم يستحى من شئ يقدم عليه...زى إيه ياترى..خد ياسيدى وعلى سبيل المثال كان الخاصة قبل العامة شغوين بحب الجنس المثلى؟؟

طيب ممكن توضح إحياة أبوك؟؟

آه ممكن ونص كمان..من المشاهير الذين كانوا يمارسون الجنس المثلى..عمنا سقراط   أبو الفلاسفة..وللأمانة أنا ماشفتوش لكن سمعت بعض الهمسات قيلت فى حق سيادته ولوأن المذكور كان متزوجآ لكنه للأسف كمعظم الرجال لم يكن سعيدآ فى زواجه؟؟يقال والعهدة على الراوى أن السيدة حرم العم سقراط كانت مرة دكر,,,يعنى مسترجلة..طيب ولا مؤاخذة هوه فيه حاجة إسمها مسترجلة؟؟قصدك يعنى جدعة..لما كان ألأخ سقراط يقصر فى المصروف والبيت يكون محتاج لوازم والعين بصيرة وألإيد قصيرة تقوم زيها زى الرجالة تقوم بالواجب..على سبيل المثال تعمل جمعية وتقبضها ألأول..ممكن والله..أو تروح الصندوق ألأجتماعى الذى يقع فى محافظتهم وتقدم طلب تاخد لها كام دراخمة وتمشى بها حالها؟؟مش قصدك كده برضه؟؟

لأ يافصيح الست كانت الظاهر بتلعب كمال أجسام حريمى فشاء الرب الكريم أن تنمو لها عضلات بطريقة غير طبيعية..فيقال والعهدة على الراوى أنها كانت تضع المحروس سقراط تحت فخدها وتدور فيه ضرب ويسمع الجيران صوته وهو يستغيث ولكن يسجل التاريخ أن أحدآ لم يكن يجرؤ على ألإقتراب لأنه والظاهر والعلم عند الله أن لهم تجارب سابقة معها نالهم الكثير من لكميات وكانت تصل فى بعض ألأحيان للضربة القاضية..فآثروا ألا يتدخلوا بل اكتفوا بسماع السوناتا..والنهاوند فقط ,,حتى لايصيبهم مكروه!!ا

السيد الغير مبجل فى منزله فقط لأنه كان خارج منزله راجل وقيمة..يعنى راجل ملو هدومه إستطاع أن يشغل الجمجمة فأبدع أيما إبداع..وأنتج أعظم إنتاج ..ويبدو أنه فى مقولة له شهيرة لم يستطع سوى بالقول ..يعنى طق حنك أن يأخذ بالثأر منها فجاء كلامه شاملآ جامعآ لجنس الحريم حيث قال:ا

أحمد ألله على ثلاُث :جعلنى رجلآ لاإمرأة..أثينيآ لا بربريآ،فيلسوفآ لا سفسطائيآ؟؟

بأه ياراجل ياعجوز تلم النسوان كلها فى قفة واحدة وتحط خمتك فيهن وتقول إن الراجل أحسن من الست وباشكر الرب أنه خلقنى راجل؟؟

الراجل ده ماكانش يعرف إن أبوه هوه السبب لأن أبوه عندة جين يحمل إكس وواى ..وإنت وحظك يينزل إكس يينزل واى ليتقابل مع جين من ألأم به ياولداه إتنين إكس فلو كان الناتج إتنين إكس كانت المحروسة بنت،ولو كان الناتج إكس واى يكون بارم ديله راجل..لآ راجل ونص كمان مثل أخونا سقراط؟؟

ياراجل ياناقص تحمد الرب على أنه خلقك راجل وتضيع حق النسوان؟؟بينى وبينك إللى كان بيحصله والضرب إللى كان بياكله حلال فيه..ده رأيى

والظاهر أن عمنا سقراط كان لايستطيع أن يقضى حاجته مع إمرأته..فغصب عنه..والله غصب عنه اتجه للطريق ألآخر ومارس الجنس المثلى...ا

يعنى الجنس المثلى ده من زماااااان ياعم جورج؟؟جورج يجيب وهو منجعص ويقول آآآآآآآآآآآه   آه بقوة لأن أحفاد عمنا سقراط كمان ساروا على نفس الدرب...فهاهو أفلاطون صاحب الجمهورية والمدينة الفاضلة..يصرح بها وليس يلمح بالمثلية الجنسية حيث يوظفهم فى قمة السلطة ليتبوؤا مكانة تليق بأنهم مثليين؟؟

بالذمة ده كلام؟؟طيب كان نفسى ياعم أفلاطون تكون من 1400 سنة وتسمع الفرمان السامى الذى أعلن فيه أن يقتل الفاعل والمفعول به؟؟أو أن يرمى من شاهق،أو أن يقذف من عل؟؟

ألمهم أنهما يقتلان وممكن نسألهم:تحبوا تموتوا إزاى؟؟بالسكر ولا بالمايونيز؟؟قولوا ماتتكسفوش إحنا بلد ديموقراطى ودينا الحنيف جاء ليتمم مكارم ألأخلاق..وبينى وبينكوا ياشطار الحاجة دى كخ وعيب إيه الحاجات الطفولية دى؟؟مش تكبروا بأه؟؟

ومن جيل إلى جيل وفى كل القرون تسربت المثلية الجنسية ونظم الناظمون فيها قصائد ترهيب واضطر ممارسوا الجنس المثلى أن يختبئوا وأن يختفوا عن المجتمع فكانوا إلى عهد قريب يتقابلون تحت ألأرض؟؟إيه تحت ألأرض دى ياعم جورج؟؟

تحت ألأرض يعنى بالخواجاتى فى ألأندر جراوند يعنى بالبلدى كده فى المترو...ولكن ماأن أطل علينا ألأرهاب بطلعته البهية حتى خاف الولد وقالوا هوه العمر بعزقه؟؟لآ ياعم مش لاعبين وحاليآ بيدوروا على خن يتقابلوا فيه

لم تقتصر المثلية على جنس الرجل بل طالت جنس النساء حيث كان السحاق بينهن على أشده فى كل المجتمعات سواء الراقى منها أو مجتمعات الكهوف ومواسير المجارى تحت الكوبرى...وأكمل

نقول كده كفاية النهاردة لأن كمبورة مستنينى على قهوة عم بشاى علشان أطفحه شاى ويخلى دماغى زى الصفيحة...بعدئذنكم يارجالة......لآ وكمان ياستات ..مش عاوز يقولوا عليه ابن سقراط إللى بيتعالى على جنس الحريم